လောင်စာဆီပြဿနာနှင့်ပတ်သက်၍ နိုင်ငံတော်ယာယီသမ္မတ၏ ဆွေးနွေးပြောကြားမှု
ယနေ့ မတ် ၁၃ ရက်ကကျင်းပသည့် မြန်မာ့မျက်နှာစာသစ်ဖိုရမ်တွင် လောင်စာဆီပြဿနာနှင့်ပတ်သက်၍ နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့် အေး ချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်၏ ဆွေးနွေးပြောကြားချက်-
" လောင်စာဆီပြဿနာ အခု အရှေ့အလယ်ပိုင်းမှာဖြစ်နေတဲ့ လောင်စာဆီပြဿနာက ကျွန်တော်တို့အတွက် သက်ရောက်မှုရှိပါတယ်။ ဒါ့ကြောင့် ကျွန်တော်တို့က စုံ/မ ဆိုပြီးတော့ ပထမဆုံးစပြီးတော့လုပ်ပါတယ်။ ကျွန်တော့်ကိုဝိုင်းပြောကြတာပေါ့။ ဒါပေမယ့် စုံ/မ လုပ်တာဟာ ကျွန်တော်တို့နိုင်ငံက အခုမှလုပ်တာ။ တရုတ်ဆိုရင် ပီကင်းဆိုရင် လုပ်တာကြာပြီ။ စင်ကာပူဆိုရင် ကြာပြီလုပ်နေကြတာ။ ဒါပေမယ့် အခုမျိုးစုံ "တွစ်(စ်)"လုပ်ပြီးတော့ လုပ်နေကြတုန်းပဲ"
" အဲဒီတော့ ကျွန်တော်တို့က စွမ်းအင်ဝန်ကြီးက ကျွန်တော့်ကိုလာသတင်းပို့တယ်။ ကျွန်တော် QR Code နဲ့လုပ်မယ်တဲ့။ လုပ်ကွာလို့ QR Code နဲ့။ အခုလည်း Online မှာဆဲနေကြတာဘဲ။ ဆိုလိုတာက ကျွန်တော်တို့က တစ်ခုခုလုပ်ပြီဆိုတာနဲ့ နိုင်ငံကိုအပြစ်ပြောဖို့ဘဲ ကြိုးစားနေကြတယ်။ ဘာ့ကြောင့် ဆိုတာကိုမစဥ်းစားဘူးဆိုတာတွေဖြစ်လာတယ်"
" ဒါ့ကြောင့် ကျွန်တော်တို့အနေနဲ့ ဒါကို လွှတ်တော်ကိုယ် စားလှယ်များကလည်း နည်းနည်း ပြည်သူကိုနည်းနည်းသိအောင်ဆောင်ရွက်ပေးဖို့လိုပါတယ်။ ပြည်နယ်နဲ့တိုင်းအသီးသီးကအကုန်လာကြတာ။ ပြီးလို့ရှိရင် လွှတ် တော်အစည်းအဝေးနားတဲ့အချိန်ကြရင် သက်ဆိုင်ရာ ပြည်နယ်နဲ့ တိုင်းတွေကိုပြန်ရောက်တဲ့အခါကြလုပ်ဖို့လိုတယ်။ ပြန်ပြောဖို့လိုပါတယ်"
" ကျွန်တော်အခုပြောတဲ့အချက်တွေကလည်း တကယ်ကို ကျွန်တော်ဖြတ်သန်းခဲ့တဲ့ သမိုင်းကြောင်းမှာအခြေခံပြီး ကျွန်တော်ပြောခြင်းဖြစ်ပါတယ်။ ကျွန်တော် ဘလိုင်းကြီးပြောတာမဟုတ်ပါဘူး။ ကျွန်တော့်မှာ အချက် အလက်အကုန်လုံးအပြည့်အစုံရှိပါတယ်"ဟု နိုင်ငံတော် ယာယီသမ္မတက ဆွေးနွေးပြောကြားခဲ့သည်။
