ငွေကြေးသုံးစွဲမှုမှအစပြု၍ အစစအရာရာခြိုးခြံချွေ တာရန်အတွက် နိုင်ငံတော် ယာယီသမ္မတ၏ ဆွေးနွေးပြောကြားမှု
ယနေ့ မတ် ၁၃ ရက်ကကျင်းပသည့် မြန်မာ့မျက်နှာစာသစ်ဖိုရမ်တွင် ငွေကြေးသုံးစွဲမှုမှအစပြု၍ အစစအရာ ရာခြိုးခြံချွေတာရန်အတွက် နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မ ရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်၏ ဆွေးနွေးပြောကြားချက်-
" ချွေတာရေးနည်းလမ်းပေါ့ ချွေတာဖို့လိုပါတယ်။ အစ စအရာရာ ငွေကြေးအသုံးအစွဲကနေစပြီး ဘာဖြစ်ဖြစ် ခြိုးခြုံချွေတာဖို့လည်းလိုပါတယ်။ စက္ကူသုံးတာကအစ စက်သုံးဆီသုံးတာအဆုံး ချွေတာဖို့လိုတယ်"
" တစ်ခါတစ်လေကြရင် အခမ်းအနားအစီအစဥ်တွေမျိုးစုံ စက္ကူတွေမျိုးစုံသုံးတယ်။ အဲဒီစက္ကူတော်တော်များများက ပြည်ပကသွင်းရတာဖြစ်ပါတယ်။ ဒါပေမယ့် ဘုံးဘလအောချနေတုန်းဘဲ။ တစ်ခါတစ်လေကြရင် အစီအစဥ်တစ်ခုလာလို့ရှိရင် ၃/၄ ခါလောက်ဝေတယ်လာပြီးတော့ မင်းတို့ဘာလို့ စက္ကူဒီလောက်များနေလဲကွလို့ ကျွန်တော်မေးကြည့်တယ်။ ဒီလိုဘဲ ဗဟိုဌာနပေး လိုက် ဒီဌာနကဘဲကြိုတင်ဖြန့်ဝေလာတယ်။ ပြီးတော့ တကယ့်အစီအစဥ်တစ်ခုနဲ့လာတယ်"
" အခု ကျွန်တော့်ဆီလာတဲ့ ဒီအစီအစဥ်ဆိုရင် နှစ်ခါလောက်ရှိပြီ ကျွန်တော့်ဆီရောက်နေတာ။ ဆိုပါတော့ ကျွန်တော်တို့သုံးစွဲမှုတွေချွေတာဖို့လိုတယ်။ အသုံးနဲ့အဖြုန်းဆိုတာရှိတယ်။ ဆုံးမစကားတစ်ခွန်းရှိတယ်။ ဒါကတော့ နိုင်ငံခြားသားတွေကိုလည်း စော်ကားတာမ ဟုတ်ပါဘူး။ တရုတ်လိုရှာတဲ့၊ ကုလားလိုစုတဲ့၊ ဗမာလိုမသုံးနဲ့လို့ပြောတယ်။ တရုတ်တွေကငွေရှာကြတယ်။ ကု လားတွေက အင်မတန်စေ့စပ်တယ်။ သုံးတဲ့စွဲတဲ့နေရာမှာ ဗမာတွေကဖြုန်းတယ်။ တအားသုံးတယ်။ တရုတ်လိုရှာ၊ ကုလားလိုစု၊ ဗမာလို မဖြုန်းနဲ့ မသုံးနဲ့ဆိုပြီးတော့ပြောတဲ့ ကျွန်တော့်ရဲ့ အဘိုး၊ အဘွားတွေ ဆုံးမခဲ့တဲ့စ ကားတစ်ခွန်းရှိတယ်။ သိပ်မှန်တယ်"
" ဒါ့ကြောင့် ကျွန်တော်တို့အသုံးတွေလည်း ချွေတာဖို့လိုပါတယ်။ လွှတ်တော်ကိုယ်စားလှယ်များလည်း ဒါလေးတွေကို အလေးထားစေလိုကြောင်း ကျွန်တော်ပြောလိုပါတယ်။ တတ်နိုင်သလောက် ခြိုးခြိုးခြံခြံနဲ့လုပ်ပါလို့မှာထားပါတယ်"ဟု နိုင်ငံတော်ယာယီသမ္မတက ဆွေး နွေးပြောကြားခဲ့သည်။
