အက်ဖ်အေဖလားကွာတားဖိုင်နယ်တွင် မန်စီးတီးနှင့် လီဗာပူး၊ ပို့တ်ဗေးလ်နှင့် ချဲလ်ဆီးတို့ တွေ့ဆုံနေ
===================
အက်ဖ်အေဖလားကွာတားဖိုင်နယ်ပွဲစဉ်များကို မဲခွဲမှု ပြုလုပ်ခဲ့ရာ လိဂ် ၁ ကလပ် ပို့တ်ဗေးလ်ဟာ ဆန်းဒါးလန်းကို အနိုင်ယူပြီးနောက် ချဲလ်ဆီးနှင့် ထိပ်တိုက်တွေ့ဆုံလာပါတယ်။
တဖက်တွင် ပရီးမီးယားလိဂ်ထိပ်သီးများဖြစ်ကြတဲ့ မန်စီးတီးနှင့် လီဗာပူးတို့လည်း ထိပ်ုတိုက်တွေ့ဆုံနေပါတယ်။
အက်ဖ်အေဖလား ၁၄ ကြိမ်အထိ စံချိန်တင် ဆွတ်ခူးထားတဲ့ အာဆင်နယ်ကတော့ ချန်ပီယံရှစ်အမှတ်ပေးဇယားအဆင့် ၈ နေရာမှာ ရပ်တည်နေတဲ့ ဆောက်သမ်တန်နှင့် ရင်ဆိုင်ရပါမယ်။
လိဒ်မှာလည်း တနင်္လာနေ့တုန်းက ဘရန့်ဖို့ဒ်ကို ပင်နယ်တီအဆုံးအဖြတ်တွင် အနိုင်ယူလာတဲ့ ဝက်စ်ဟမ်းကို အဝေးကွင်းသို့ သွားရောက် ရင်ဆိုင်ကစားရပါမယ်။
ပို့တ်ဗေးလ်ဟာ အက်ဖ်အေဖလားကွာတားဖိုင်နယ်ရောက် အသင်းများတွင် အဆင့်အနိမ့်ဆုံးအသင်းဖြစ်ပြီး ၁၉၂၉ ခုနှစ် နောက်ပိုင်းတွင် အက်ဖ်အေဖလားပြိုင်ပွဲတွင် ချဲလ်ဆီးနှင့် ပထမဆုံးအကြိမ်အဖြစ် ထိပ်တိုက်တွေ့ဆုံလာတာလည်း ဖြစ်ပါတယ်။
အက်ဖ်အေဖလားကွာတားဖိုင်နယ်ပွဲစဉ်များကို ဧပြီလ ၄ ရက်နေ့နှင့် ၅ ရက်နေ့တို့တွင် ကစားသွားပါမယ်။
