ဒိုင်လူကြီးနှင့်ပတ်သက်ပြီး မှတ်ချက်ပြုစကားကြောင့် ပေါင် ၈၀၀၀၀ ဒဏ်ရိုက်ခြင်းခံလာရတဲ့ မန်စီးတီးစတားရိုဒရီ
===================
မန်စီးတီးအလယ်တန်းကစားသမားရိုဒရီဟာ ပြီးခဲ့တဲ့လတုန်းက စပါးစ်နှင့် သရေကျတဲ့ပွဲစဉ်အပြီးတွင် ဒိုင်လူကြီးနှင့်ပတ်သက်ပြီး မှတ်ချက်ပြုပြောဆိုခဲ့တဲ့ စကားကြောင့် ပေါင် ၈၀၀၀၀ ဒဏ်ရိုက်ခြင်းခံလာရပါတယ်။
စပိန်အလယ်တန်းကစားသမားဟာ ဖေဖော်ဝါရီလ ၁ ရက်နေ့တုန်းက ၂ ဂိုးစီသရေကျတဲ့ပွဲစဉ်အပြီးတွင် ဒိုင်လူကြီးရောဘတ်ဂျုံးစ်မှာ ကြားနေ မဟုတ်ခဲ့ကြောင်း ပြောဆိုကာ ဘက်လိုက်ဆုံးဖြတ်တယ်လို့ စွပ်စွဲ ပြောဆိုခဲ့တာလည်း ဖြစ်ပါတယ်။
ရိုဒရီဟာ ယင်းပြောဆိုမှုအတွက် အက်ဖ်အေရဲ့ စွဲချက်တင်ခြင်းခံရပြီးနောက် ဒိုင်လူကြီးကို ပြောဆိုခဲ့ကြောင်း ဝန်ခံခဲ့ပါတယ်။
ဒါကြောင့်လည်း အက်ဖ်အေက ဒိုင်လူကြီးကို ဘက်လိုက် ဆုံးဖြတ်တယ်လို့ ဝေဖန်ပြောဆိုမှုအတွက် ပြင်းထန်တဲ့ ဒဏ်ရိုက်မှု ပြုလုပ်လာတာလည်း ဖြစ်ပါတယ်။
အက်သလက်တီကိုစတားဟာ ဒိုမီနစ်ဆိုလန်ကီမှာ ဂိုးမသွင်းမီ မန်စီးတီးနောက်ခံလူမာ့ခ်ဂူဟီအား ကန်ခဲ့မှုအပေါ် အရေးမယူခြင်းအတွက် ရောဘတ်ဂျုံးစ်ကို ဝေဖန်ခဲ့တာလည်း ဖြစ်ပါတယ်။
ရိုဒရီက "ကျွန်တော်တို့ အများကြီးနိုင်ထားတာ သိပါတယ်။ ပြီးတော့ လူတွေက ကျွန်တော်တို့ကို မနိုင်စေချင်ကြဘူး။ဒါပေမယ့် ဒိုင်လူကြီးကတော့ ကြားနေဖြစ်ရမယ်လေ။ ကျွန်တော်တို့ အလုပ်ကြိုးစားခဲ့ကြတော့ ဒါက မမျှတပါဘူး။ အားလုံးပြီးဆုံးသွားချိန်မှာ စိတ်ပျက်စရာတွေနဲ့ပဲ ကျန်ခဲ့တော့တယ်"လို့ ပြောကြားသွားပါတယ်။
