မုံရွာမြို့ညစျေးနှင့် မော်တော်ယာဥ်ရောင်းဝယ်ရေးစင်တာကို မတ်လ ပထမပတ်အတွင်း ဖွင့်လှစ်မည်
စစ်ကိုင်းတိုင်းဒေသကြီး၊ မုံရွာမြို့ အရှေ့ဘက်ကန်သာယာ တောင်ဘက်ကွင်းတွင် ဖွင့်လှစ်ရန်ပြင်ဆင်နေသည့် စျေးဆိုင်ပေါင်း (၁၁၀) ရှိ ညစျေးနှင့် ဆိုင်ခန်းပေါင်း (၄၁) ခန်းရှိ မုံရွာမြို့၊ ဘုန်းစိုးရပ်ကွက်၊ ကျောက္ကာလမ်းရှိ မော်တော်ယာဥ်ရောင်းဝယ်ရေး စင်တာကို မတ်လပထမပတ်အတွင်း ဖွင့်လှစ်သွားမည်ဖြစ်ကြောင်း သိရသည်။
မော်တော်ယာဉ် ရောင်းဝယ်ရေးစင်တာဖွင့်ပွဲနှင့် ညဈေးဖွင့်ပွဲအထိမ်းအမှတ်အဖြစ် မုံရွာမြို့ အရှေ့ဘက် ကန်သာယာ ညဈေးအနီးတွင် ပြည်သူများပျော်ရွှင်စွာ ပါဝင်ဆင်နွှဲနိုင်ရန်အတွက် နိုင်ငံကျော်အဆိုတော်များဖြင့် ဧည့်ခံဖျော်ဖြေပေးသွားမည်ဖြစ်ကြောင်း သိရသည်။
ပြည်သူများအနေဖြင့် စိတ်ပေါ့ပါး လွတ်လပ်စွာဖြင့် တေးဂီတ ဖျော်ဖြေပွဲအား လာရောက်ပါဝင်ဆင်နွှဲနိုင်သလို ကန်သာယာ၏ ညရောင်စုံမီး အလှများနှင့်အတူ ညဈေးတန်းတွင် လာရောက်ဝယ်ယူ သုံးဆောင်နိုင်ကြောင်း စစ်ကိုင်း တိုင်းဒေသကြီး အစိုးရတာဝန်ရှိသူများက ဖိတ်ခေါ်ထားသည်။
