လူမှာ လူ့အလိုက်
စောင့်ထိန်းရမဲ့ကျင့်ဝတ်တွေ ရှိတယ် မမ
လူ့ကျင့်ဝတ်တွေကို လူက မစောင့်ထိန်းလို့ရှိရင်
မစောင့်ထိန်းမှုအတွက် ဒဏ်ပြန်ခတ်လိမ့်မယ် ။
လင်ကောင်းရဖို့ တွေးပူတယ်ဆိုတာက
သမီး မကောင်းတဲ့ မိဘတွေ တွေးပူတဲ့ အတတ်ကွ ၊
ငါ့ သမီးဟ အရည်အချင်း ရှိတဲ့
သမီးကောင်း တစ်ယောက် ဆိုရင်
လင်ကောင်းလိုက်ရှာနေစရာ မလိုဘူး ၊
မယားကောင်းကို လိုက်ရှာတဲ့ လူက လာလိမ့်မယ် ။
"မမ" ဟာ သိပ်ကို သနားစရာကောင်းတဲ့ မိန်းမတစ်ယောက်။
ဦးသက်ထွန်းဟာ မမကို အချစ်ကြောင့် လက်ထပ်ခဲ့တာ မဟုတ်ပေမယ့် အများကြီး ချစ်ပေးခဲ့တယ် ။ မမအပေါ် လင်ဝတ္တရား ကျေပွန်ခဲ့တယ် ။ သားတစ်ယောက်လည်း ထွန်းကားခဲ့ပေမယ့် မမဟာ ဦးသက်ထွန်းရဲ့ အချစ်တွေကို ဘယ်တုန်းကမှ
နားမလည်ခဲ့ဘူး ။ မမရဲ့အလှဟာ လူတိုင်း လည်ပြန်ငေးရလောက်အောင်လှပတယ် ၊ ကျက်သရေရှိတယ် ။
မမ စကားပြောတာ ၊ ရယ်တာကအစ မမ လမ်းလျှောက်ပုံတွေအဆုံး မမနဲ့ ပတ်သတ်သမျှ အရာအားလုံးဟာ တင့်တယ်လှပလွန်းတယ် ။ မမလို မိန်းမမျိုးကို မလိုချင်တဲ့ ယောက်ျားဆိုတာ မရှိသလောက်ကို ရှားတယ် ၊ ဒီလိုမိန်းမမျိုးက အချစ်ဆိုတဲ့
အရာကို နဖူးတွေ့ ဒူးတွေ့ ကြုံလာရတဲ့အခါမှာ လေတိုက်လို့ သစ်ရွက်လေးတွေ လှုပ်ရင်တောင် ရင်ခုန်တတ်တဲ့ အရွယ်ချာတိတ်မလေး တစ်ယောက်လို အချစ်ဆိုတဲ့အရာအတွက်
သူ့ဘဝကို သူကိုယ်တိုင် နစ်မွန်းစေခဲ့တယ် ။ ကိုသက်ဆွေလို ယောက်ျားမျိုးအတွက် မမကို သဘောကျတာ တပ်မက်မိတာ
မဆန်းလှဘူး ။
မမလို မိန်းမမျိုးက ကိုသက်ဆွေကိုမှ သားသမီးကိုရော ဦးသက်ထွန်းလိို လင်ယောက်ျားကိုပါစွန့်ပြီး ဘဝကြီးတခုလုံး ပုံအပ်မိတာကမှ တကယ့်မဟာအမှားကြီး တခုပဲ ။ ဒါကလည်း စာရေးသူရဲ့ စာဖတ်သူတွေကို အမြင့်ဆုံးထိ ဆွဲခေါ်သွားတဲ့ အကြောင်းအရင်းပဲ ။
မမဆိုတာ နှလုံးသားထက် ဦးနှောက်ကို ရှေ့တန်းတင်ရမယ့် အရွယ်မျိုး ၊ ဒါပေမယ့် အချစ်နဲ့ တွေ့တဲ့အခါ လူတိုင်းဟာ
အမှားတွေ ကျူးလွန်တတ်ကြသလိုပဲ မမဟာလည်း
သူကိုယ်တိုင် အချစ်လို့ ယူဆတဲ့ ကိုသက်ဆွေနဲ့ တွေ့တဲ့အခါမှာ မဟာအမှားတွေ တခုပြီး တခုကျူးလွန်ခဲ့တယ် ။ ဒီနေရာမှာ အထူးတလည် ချီးကျူးရမှာ ဦးသက်ထွန်းပဲ ။
ဒီလောကမှာ ဦးသက်ထွန်းလိုလူမျိုး လက်ချိုးရေလို့ရနိုင်တယ်။ တကယ့်လူဗျာ ဦးသက်ထွန်းလိုလူမျိုး ခင်ဗျားတို့ အပြင်လောကမှာ ကြုံဖူးမှာတောင်မဟုတ်ဘူး ။ ဖြစ်လာတဲ့ ပြဿနာတွေကို ခေါင်းအေးအေးထားပြီး ဖြေရှင်းသွားပုံတွေက
မြွေမေသ တု,တ်မကျိူး အတုယူစရာအတိပဲ ။
ဒီစာအုပ်ထဲက ဇာတ်ကောင်တွေထဲမှာ အမြဲတမ်း လေးစား အတုယူခဲ့ရတဲ့ ပုဂ္ဂိုလ်က ဦးသက်ထွန်းပဲ ။ မမဟာ အချစ်အတွက်နဲ့ ရူးမို,က်လွန်း စု,တ်ပြတ်နုံချာလွန်းတဲ့ မိန်းမတစ်ယောက်လို့ပဲ မြင်မိလေရဲ့ ။
(ကိုယ်ပိုင်အမြင်သက်သက်သာ)တွေးရေး ရေးရင်း ဖတ်ကြည့်ဖို့တိုက်တွန်းရင်း ........
#မမ
#မြသန်းတင့်
