ထရမ့်၏ အိမ်တော်အတွင်းပိုင်းအထိ လက်နက်ကိုင်ဆောင်ကာ ကျူးကျော်ဝင်ရောက်လာသူတစ်ဦးကို အေ-သဖမ်းဆီးရမိ
အမေရိကန်ပြည်ထောင်စု၊ ဖလော်ရီဒါပြည်နယ်၊ ပမ်းဘိချ်(Palm Beach) ရှိ သမ္မတ ထရမ့်၏ နေအိမ်ဖြစ်သော မာရာလာဂို(Mar-a-Lago) အိမ်တော်အတွင်းပိုင်းအထိ လက်နက်ကိုင်ဆောင်ကာ ကျူးကျော်ဝင်ရောက်လာသူတစ်ဦးကို Secret Service အေးဂျင့်များနှင့် ဒေသခံရဲတပ်ဖွဲ့ဝင်တစ်ဦးတို့က ပစ်--ခတ်---ဖမ်းဆီးရာမှ ေ-သဆုံးသွားခဲ့ကြောင်း အမေရိကန်မီဒီယာများက ဖော်ပြခဲ့ကြသည်။
ဖြစ်စဉ်ဖြစ်ပွားချိန်တွင် သမ္မတ ထရမ့်မှာ ဖလော်ရီဒါတွင် ရှိမနေခဲ့ပါ။
အမေရိကန်မီဒီယာများ၏ ဖော်ပြချက်အရ သံသယရှိသူမှာ မြောက်ကယ်ရိုလိုင်းနားပြည်နယ်မှ အသက် ၂၁ နှစ်အရွယ် အော်စတင် တီ မာတင်(Austin T. Martin) ဖြစ်ပြီး ထိုသူသည် ဒေသစံတော်ချိန် နံနက် ၀၁:၃၀ နာရီခန့်တွင် ပြောင်းတိုသေနတ်တစ်လက်နှင့် လောင်စာဆီပုံးတစ်ပုံးကို ကိုင်ဆောင်ကာ မာရာလာဂိုအိမ်တော်ထဲသို့ ဝင်ရောက်ခဲ့ခြင်းဖြစ်သည်။
ဧည့်သည်တစ်ဦး အိမ်တော်မှ ပြန်ထွက်သွားချိန် မြောက်ဘက်ဂိတ်ပေါက်အနီးမှတစ်ဆင့် သူသည် အတွင်းသို့ ကျူးကျော်ဝင်ရောက်နိုင်ခဲ့ခြင်းဖြစ်ကြောင်း သိရသည်။
သူ၏မိသားစုက စနေနေ့တွင် လူပျောက်တိုင်ကြားထားခဲ့ပြီးနောက် သူ၏နေရပ်ပြည်နယ်မှ ကားဖြင့်မောင်းနှင်လာစဉ်အတွင်း လမ်းခုလတ်ဝယ် အဆိုပါလက်နက်ကို ဝယ်ယူခဲ့ခြင်း ရှိ၊ မရှိကို တာဝန်ရှိသူများက စုံစမ်းစစ်ဆေးနေကြသည်။
သံသယရှိသူနှင့် ပတ်သက်သည့် အချက်အလက်များနှင့် ၎င်း၏ ရည်ရွယ်ချက်မှာ အဘယ်နည်းဆိုသည်ကို မေးခွန်းထုတ်စရာများစွာ ကျန်ရှိနေသေးကြောင်း အိမ်ဖြူတော်သတင်းထောက်က ရေးသားထားသည်။
