ယာဉ်တိုက်မှုကြောင့် ထောင်ကျမယ့်ကိန်းဆိုက်နေတဲ့ ချစ်သူကို လိုက်ပါအားပေးကူညီနေတဲ့ ဝက်စ်ဟမ်းစတားအေရွန်ဝန်ဘစ်ဆာကာ
==================
ဝက်စ်ဟမ်းစတားအေရွန်ဝန်ဘစ်ဆာကာဟာ လမ်းလျှောက်နေသူအား ယာဉ်တိုက်မှုကြောင့် တရားရင်ဆိုင်နေရတဲ့ ချစ်သူအား ပံ့ပိုးကူညီမှုများ ပြုလုပ်နေပါတယ်။

အသက် ၂၈ နှစ်ရှိ ဧပြီဖရန်ဆစ်ဟာ တစ်နာရီလျှင် မိုင် ၃၀ သာ မောင်းနှင်ခွင့်ရှိတဲ့ လမ်းတွင် Mercedes G-Class SUV ဖြင့် မောင်းနှင်လာစဉ် လမ်းသန့်ရှင်းသမားတစ်ဦးအား ဝင်တိုက်မိခဲ့တာလည်း ဖြစ်ပါတယ်။

ယင်းယာဉ်တိုက်မှုမှာ စက်တင်ဘာလတုန်းက ဖြစ်ပျက်ခဲ့တာ ဖြစ်ပြီး ယင်းမတော်တဆမှုကြောင့် လမ်းသန့်ရှင်းသမားမှာ ဘဝအပြောင်းအလဲ ဖြစ်စေမယ့် ဆိုးရွားတဲ့ ဒဏ်ရာများ ရရှိခဲ့ပါတယ်။

ထိုစဉ်တုန်းက သူမဟာ ထွက်ပြေးသွားခဲ့ခြင်း မရှိခဲ့ပါဘူး။

ဝန်ဆစ်ဆာကာနှင့် ကလေးတစ်ဦး ရရှိထားတဲ့ သူမဟာ အက်စ်ဆက်စ်၊ ဘရက်ဝုဒ်တွင် ဖြစ်ပျက်ခဲ့တဲ့ အမှုအတွက် အမှု ရင်ဆိုင်နေရပါတယ်။

သူမဟာ ကိုချက်စတာတရားရုံးသို့ အမှုရင်ဆိုင်ရန် တက်ရောက်လာခဲ့ပြီး ယူနိုက်တက်နောက်ခံလူဟောင်းလည်း အတူ လိုက်ပါ အားပေးကူညီခဲ့တာ တွေ့ရပါတယ်။

သူမဟာ အာမခံဖြင့် လွတ်မြောက်နေတာ ဖြစ်ပြီး မတ်လတွင် ထပ်မံ အမှုရင်ဆိုင်ရဦးမှာ ဖြစ်ပါတယ်။

လက်ရှိအချိန်တွင် ဖရန်ဆစ်ရဲ့ ရှေ့နေဘက်က အန္တရာယ်ရှိတဲ့ ယာဉ်မောင်းနှင်မှု စွဲချက်မှ ပေါ့လျော့စွာ မောင်းနှင်မှု စွဲချက်သို့ ပြောင်းလဲ စွဲဆိုပေးရန် Crown Prosecution Service သို့ တောင်းဆိုထားပါတယ်။

ဒါကြောင့်လည်း တရားရုံးအနေဖြင့် ဖရန်ဆစ်အား နဂိုအတိုင်း စွဲချက်တင်မလား၊ ပြောင်းလဲ စွဲချက်တင်မလားဆိုတာ ဆုံးဖြတ်လာရတော့မှာလည်း ဖြစ်ပါတယ်။