အာဆင်နယ်မှာ မိမိတို့ လိုချင်တဲ့ နေရာမျိုးသို့ ရောက်နေကြောင်း အာတီတာ ပြောကြားလာ
ဖေဖော်ဝါရီ ၂၁
မီခေးလ်အာတီတာက ဝုဗ်နှင့် စိတ်ပျက်ဖွယ် သရေကျကာ ဝေဖန်မှုများ ကြုံရပြီးနောက် အာဆင်နယ်မှာ ပြိုင်ပွဲတိုင်းတွင် မိမိတို့ အလိုရှိတဲ့ နေရာမျိုးသို့ ရောက်နေကြောင်း ပြောကြားလာပါတယ်။
ပရီးမီးယားလိဂ်ကို ဦးဆောင်နေတဲ့ အာဆင်နယ်ဟာ Molineux တွင် နာကျင်အချိန်ပိုမှာ ချေပဂိုးပေးလိုက်ရပြီးနောက် ပရီးမီးယားလိဂ်ဖလားပြိုင်ပွဲအတွက် မန်စီးတီးအား တံခါးဖွင့်ပေးထားသလို ဖြစ်လာခဲ့ပါတယ်။
အာဆင်နယ်ဟာ ပက်ဂွါဒီယိုလာရဲ့ မန်စီးတီးအား ၅ မှတ်ဖြတ်ထားမှုနှင့်အတူ ၂၀၀၄ ခုနှစ်နောက်ပိုင်း ပထမဆုံးပရီးမီးယားလိဂ်ဖလား ဆွတ်ခူးရေး ကံကြမ္မာကို ကိုယ်တိုင် ပိုင်ဆိုင်ထားတုန်း ဖြစ်ပါတယ်။
အာဆင်နယ်ဟာ လက်ကျန် ပွဲအားလုံး အနိုင်ရပါက ချန်ပီယံဖြစ်လာမှာ ဖြစ်ပေမယ့် ကြားရက်တုန်းက ဝုဗ်နှင့် သရေကျမှုနှင့်အတူ မျှော်လင့်ချက် နည်းပါးသွားခဲ့ပါတယ်။
အာဆင်နယ်ဟာ ပရီးမီးယားလိဂ်ကို ဦးဆောင်ထားဆဲ ဖြစ်သလို ခါရာဘောင်ဖလားတွင် ဗိုလ်လုပွဲသို့ ရောက်နေပါတယ်။ ဒါ့အပြင် အာဆင်နယ်ဟာ အက်ဖ်အေဖလားပဥ္စမအဆင့်သို့ တက်ရောက်ထားသလို ချန်ပီယံလိဂ်တွင်လည်း ရာနှုန်းပြည့်နိုင်ပွဲ ရရှိကာ ၁၆ သင်း ရှုံးထွက်အဆင့်သို့ တက်ရောက်ထားပါတယ်။
အာတီတာက "လူတိုင်းမှာ ကိုယ်ပိုင် အမြင်တွေ ရှိကြတယ်။ သူတို့ အတွေးတွေလည်း မှန်ပါတယ်။ ကျွန်တော်တို့ဘက်ကတော့ ရှင်းလင်းတဲ့ လမ်းကြောင်း ချမှတ်ထားပြီးသားပါ။ ပစ္စုပ္ပန်မှာပဲ နေထိုင်တယ်။ အတိတ်မှာ လုပ်ခဲ့တာ အရမ်းကောင်းတယ်။ ဒါပေမယ့် ပစ္စုပ္ပန်မှာ နေထိုင်ရမယ်။ ပစ္စုပ္ပန်က လှပပါတယ်။ ပြိုင်ပွဲတိုင်းမှာ ကျွန်တော်တို့ လိုချင်တဲ့ နေရာမျိုးသို့ ရောက်နေပါတယ်။ ဒါပေမယ့် ပွဲတွေ အများကြီး ကစားရဦးမယ်။ နောက်ဆုံး ၇ လ ၈ လမှာ လုပ်ခဲ့သမျိုး လုပ်ပြရဦးမယ်"လို့ ပြောကြားသွားပါတယ်။
