နာဂဒေသလမ်းပန်းဆက်သွယ်မှုကောင်းမွန်စေရန် ပြည်မအတွင်းဆက်သွယ်သည့်လမ်းများကို ဦးစားပေးဆောင်ရွက်ပေးမည်
နစဂဒေသလမ်းပန်းဆက်သွယ်မှုအဆင်ပြေစေရေးနှင့်ပတ်သက်၍ နိုင်ငံတော်ယာယီသမ္မတ၊ နိုင်ငံတော်လုံခြုံ ရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ယနေ့ ဖေဖော်ဝါရီ ၁၆ ရက်မွန်းလွဲပိုင်းက နာဂကိုယ်ပိုင်အုပ်ချုပ်ခွင့်ရဒေသ၊ လဟယ်မြို့နှင့် လေရှီးမြို့တို့ရှိ ဌာနဆိုင်ရာတာဝန်ရှိသူများ၊ မြို့မိမြို့ဖများအား သီးခြားစီတွေ့ဆုံစဥ် ပြောကြားခဲ့ခြင်းဖြစ်သည်။
" နာဂဒေသအတွင်းမှာ လမ်းပန်းဆက်သွယ်တွေကောင်းမွန်စေဖို့အတွက် ပြည်မအတွင်းကိုဆက်သွယ်တဲ့လမ်းတွေက်ု ဦးစားပေးအနေနဲ့ဆောင်ရွက်ပေးသွားပါမယ်။ လမ်းပန်းဆက်သွယ်မှုတွေအဆင်ပြေစေဖို့အတွက် ချင်းတွင်းမြစ်ကူးတံတား(ထမံသီ)ကို ဒီနေ့ဖွင့်လှစ်ပေးနိုင်ခဲ့ပြီဖြစ်ပါတယ်"ဟု နိုင်ငံတော် ယာယီသမ္မတက ပြောသည်။
ထို့ပြင် နာဂဒေသသည် သွားလာရန်ခက်ခဲ၍ လမ်းပန်းဆက်သွယ်မှုများကောင်းမွန်စေရန် လမ်းများအဆင့်မြှင့်တင်ခြင်းကို ဘဏ္ဍာရေးနှစ်အလိုက်ဆောင်ရွက်ပေးလျက်ရှိပြီး လဟယ်ဒေသနှင့် နန်းယွန်းဒေသသို့ဆက်သွယ်သည့်လမ်းအား ရာသီမရွေးသွားလာနိုင်ရေးအတွက်လည်းဆောင်ရွက်ပေးလျက်ရှိသည်ဟု ပြော သည်။
ပြည်မသို့ဆက်သွယ်သည့်လမ်းများ အဆင်ပြေချော မွေ့စွာသွားလာနိုင်ရေးကို ကြိုးပမ်းဆောင်ရွက်လျက်ရှိပြီး လမ်းပန်းဆက်သွယ်မှုအခက်အခဲများကြောင့် ဒေသဖွံ့ဖြိုးတိုးတက်ရေးလုပ်ငန်းများဆောင်ရွက်ရန်အတွက် ပစ္စည်းများသယ်ယူပို့ဆောင်ရန်အခက်အခဲများရှိ၍ ဒေသတွင်းလမ်းပန်းဆက်သွယ်မှုများ လုံခြုံချော မွေ့စေရေးကို ဆက်လက်ဆောင်ရွက်ပေးသွားမည်ဟု နိုင်ငံတော် ယာယီသမ္မတက ပြောကြားခဲ့သည်။
ထို့နောက် နိုင်ငံတော်ယာယီသမ္မတမှ လဟယ်မြို့နယ်နှင့် လေရှီးမြို့နယ်တို့ရှိ ဌာနဆိုင်ရာတာဝန်ရှိသူများအ တွက် လက်ဆောင်ပစ္စည်းများပေးအပ်ပြီး နာဂကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ၊ နာဂရိုးရာစာပေနှင့်ယဉ်ကျေးမှုကော်မတီဥက္ကဋ္ဌနှင့် တာဝန်ရှိသူများက နိုင်ငံတော်ယာယီသမ္မတအား နာဂရိုးရာခေါင်းပေါင်း၊ ခြုံ ထည်နှင့် ရိုးရာလက်ဆောင်ပစ္စည်းများအားဆင် မြန်းပေးခဲ့ကြသည်။
ထို့ပြင် နိုင်ငံတော်ယာယီသမ္မတသည် တွေ့ဆုံပွဲတက်ရောက်လာသည့် ဌာနဆိုင်ရာတာဝန်ရှိသူများ၊ မြို့မိမြို့ဖများနှင့် ဒေသခံများအား ရင်းရင်းနှီးနှီးနှုတ်ဆက်ခဲ့သည်။
