ယနေ့ ဖေဖော်ဝါရီ ၁၇ ရက်နံနက်ပိုင်းက စေတုတ္တရာမြို့ကိုဗဟိုပြု၍ မိနစ်ပိုင်းသာခြားပြီးငလျင်(၂)ကြိမ်လှုပ်ခတ်ခဲ့ မင်းကင်းမြို့တွင်လည်းလှုပ်ခတ်
ယနေ့ ဖေဖော်ဝါရီ ၁၇ ရက်နံနက်ပိုင်းက စေတုတ္တရာမြို့ကိုဗဟိုပြု၍ ငလျင်(၂)ကြိမ်လှုပ်ခတ်ခဲ့ပြီး မင်းကင်းမြို့တွင်လည်း ငလျင်လှုပ်ခတ်မှုဖြစ်ပေါ်ခဲ့ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနထံမှ သိရသည်။
စေတုတ္တရာမြို့၏ အနောက်ဘက်(၂၆)မိုင်ခန့်အကွာ၊ အနက်(၅၆)ကီလိုမီတာကိုဗဟိုပြု၍ အင်အားရစ်(ခ်) တာစကေး(၃ ဒသမ ၆)အဆင့်ရှိ အင်အားအနည်းငယ်ရှိသောငလျင်သည် နံနက် ၅ နာရီ ၃၉ မိနစ် ၆ စက္ကန့်ကလှုပ်ခတ်ခဲ့ကြောင်း သိရသည်။
ထို့ပြင် နံနက် ၅ နာရီ ၂၀ မိနစ် ၄၆ စက္ကန့်ကလည်း စေတုတ္တရာမြို့၏ အနောက်ဘက်မိုင်(၂၀)ခန့်အကွာ၊ အ နက်(၁၆)ကီလိုမီတာကိုဗဟိုပြု၍ အင်အားရစ်(ခ်)တာစကေး(၄ ဒသမ ၀)အဆင့်ရှိ အင်အားအနည်းငယ်ရှိသောငလျင်တစ်ခုလှုပ်ခတ်ခဲ့ကြောင်း သိရသည်။
ထို့အတူ နံနက် ၃ နာရီ ၁၀ မိနစ် ၂၁ စက္ကန့်ကလည်း မင်းကင်းမြို့၏ အနောက်ဘက်(၁၇)မိုင်ခန့်အကွာ၊ အနက် (၅၀)ကီလိုမီတာကိုဗဟိုပြု၍ အင်အားရစ်(ခ်)တာစ ကေး(၃ ဒသမ ၁)အဆင့်ရှိ အင်အားအနည်းငယ်ရှိသောငလျင်တစ်ခုလှုပ်ခတ်ခဲ့ကြောင်း သိရသည်။
