ဘလက်ဘန်းအသင်းတွင် လက်ထောက်နည်းပြအဖြစ် ခန့်အပ်ခြင်းခံလာရတဲ့ ယူနိုက်တက်စတားဟောင်း
====================
ယူနိုက်တက်နောက်ခံလူဟောင်းဖီးလ်ဂျုံးစ်ဟာ နည်းပြဘဝ ပထမခြေလှမ်းအဖြစ် ဘလက်ဘန်းအသင်းတွင် နည်းပြမိုက်ကယ်အိုနေးလ်ရဲ့ လက်ထောက်နည်းပြများအဖြစ် ရိန်းဂျားနှင့် ဆောက်သမ်တန်အလယ်တန်းကစားသမားဟောင်းစတီဗင်ဒါးဗီးစ်နှင့်အတူ ခန့်အပ်ခြင်းခံလာရပါတယ်။
မြောက်အိုင်ယာလန်နည်းပြဟာ ချန်ပီယံရှစ်ကလပ်အား ရာသီအကုန်အထိ ကိုင်တွယ်ရန် သဘောတူညီမှု ရရှိကာ ဘလက်ဘန်းနှင့် မြောက်အိုင်ယာလန်တို့အား ပူးတွဲ ကိုင်တွယ်လာမှာလည်း ဖြစ်ပါတယ်။
အိုနေးလ်ဟာ လာမယ့်လတွင် မြောက်အိုင်ယာလန်အား ကမ္ဘာ့ဖလားခြေစစ်ပွဲအောင်မြင်ရေး အီတလီနှင့် ပလေးအော့ဖ်ကစားရန် ရှိပေမယ့် ဘလက်ဘန်းအား ပူးတွဲ ကိုင်တွယ်လာမှာလည်း ဖြစ်ပါတယ်။
ဖီးလ်ဂျုံးစ်ဟာ ၂၀၂၄ ခုနှစ် ဩဂုတ်လတွင် ကစားသမားဘဝမှ အနားယူပြီးနောက် ယူနိုက်တက်ယူ-၁၄ ၊ ယူ-၁၈ တို့တွင် တာဝန်ထမ်းဆောင်ကာ နည်းပြအတွေ့အကြုံ ရယူခဲ့ပြီးလည်း ဖြစ်ပါတယ်။
သူဟာ ယူအီးအက်ဖ်အေအေလိုင်စင် ရရှိထားပြီးဖြစ်ကာ ပရိုလိုင်စင် ရရှိရေး လုပ်ဆောင်နေပါတယ်။
ယခုအခါ သူဟာ အိုနေးလ်ရဲ့ ဘလက်ဘန်းအား ချန်ပီယံရှစ်မှ တန်းမဆင်းရရေးအတွက် ထောက်ပံ့ကူညီလာရပါမယ်။
ဖီးလ်ဂျုံးစ်ဟာ ဘလက်ဘန်းတွင် ကစားသမားဘဝစတင်ကာ ၂၀၁၁ ခုစ်တွင် ယူနိုက်တက်သို့ ပြောင်းခဲ့ပြီး ပရီးမီးယားလိဂ်ဖလား၊ အက်ဖ်အေဖလားနှင့် ယူရိုပါလိဂ်ဖလားတို့ ရရှိခဲ့ပါတယ်။
