ဆွမ်စီးရဲ့ ပွဲစဉ်အား ပထမဆုံးအကြိမ် ကိုယ်တိုင်လာရောက်ကြည့်ရှုမယ့် ပူးတွဲပိုင်ရှင် Snoop Dogg
===================
ဆွမ်စီးပူးတွဲပိုင်ရှင် Snoop Dogg ဟာ ဖေဖော်ဝါရီလ ၂၄ ရက်နေ့ အင်္ဂါနေ့တွင် ပရက်စတန်နှင့် ရင်ဆိုင်ရမယ့် ချန်ပီယံရှစ်ပွဲစဉ်အား ပထမဆုံးအကြိမ်အဖြစ် ကိုယ်တိုင်လာရောက်ကြည့်ရှုအားပေးသွားပါမယ်။
အမေရိကန်ရက်ပါဟာ ဇူလိုင်လတုန်းက ဆွမ်စီးအသင်းတွင် ရင်းနှီးမြှပ်နှံမှု ပြုလုပ်ခဲ့သူ ဖြစ်ပြီး ပြီးခဲ့တဲ့လတုန်းက ဝေးလ်အခြေစိုက်ကလပ်အား ကမ္ဘာသိအမှတ်တံဆိပ်တစ်ခု ဖြစ်အောင် ပြုလုပ်လိုကြောင်း ပြောကြားခဲ့ဖူးပါတယ်။
ယခုအခါမှာတော့ Snoop Dogg ဟာ ဆွမ်စီးအသင်းရဲ့ ပွဲစဉ်အား ပထမဆုံးအကြိမ်အဖြစ် လာရောက် ကြည့်ရှုအားပေးလာတော့မှာ ဖြစ်ပါတယ်။
ဂရမ်မီဆန်ကာတင်စာရင်းတွင် ၂၁ ကြိမ်အထိ ပါဝင်ဖူးတဲ့ Snoop Dogg ဟာ ပရက်စတန်နှင့်ပွဲစဉ်တွင် ပရိသတ်များနှင့်လည်း တွေ့ဆုံသွားမှာ ဖြစ်ပါတယ်။
အသက် ၅၄ နှစ်ရှိ Snoop Dogg ဟာ ဆောင်းရာသီအိုလံပစ်ပြိုင်ပွဲအတွက် ဥရောပသို့ ရောက်နေတာ ဖြစ်ပြီး ဖေဖော်ဝါရီ ၂၂ ရက်နေ့တွင် ပြိုင်ပွဲအဆုံးသတ်ပါမယ်။
အီတလီတွင် ကျင်းပနေတဲ့ သူဟာ အမေရိကန်အသင်းတွင် ပါဝင်လာသူလည်း ဖြစ်ပါတယ်။
ဆွမ်စီးအသင်းတွင် Snoop Dogg အပြင် ရီးရဲလ်မက်ဒရစ်ဂန္ထဝင်လူကာမိုဒရစ်၊ အမေရိကန်ဘီလျှံနာ အမျိုးသမီးလုပ်ငန်းရှင်မာသာစတီးဝပ်တို့လည်း ရင်းနှီးမြှပ်နှံမှု ပြုလုပ်ထားကြပါတယ်။
