ပရီးမီးယားလိဂ်ဖလားအတွက် အာဆင်နယ်ကို ဆက်လက်ဖိအားပေးသွားမည်ဖြစ်ကြောင်း ဂွါဒီယိုလာကြုံးဝါးလာ
======================
ပက်ဂွါဒီယိုလာက လီဗာပူးအား နောက်ကျပင်နယ်တီဖြင့် အနိုင်ရရှိပြီးနောက် အာဆင်နယ်အား ဆက်လက် ဖိအားပေးသွားမည်ဖြစ်ကြောင်း ကြုံးဝါးပြောကြားသွားပါတယ်။
မန်စီးတီးဟာ တနင်္ဂနွေနေ့ည အန်ဖီးလ်ပွဲစဉ်တွင် ဒိုမီနစ်ခ်ဆိုဘိုဆလိုင်းရဲ့ ဖရီးကစ်ဂိုးကြောင့် နောက်ကလိုက်ကစားရပြီး အာဆင်နယ်နှင့် ၉ မှတ်ကွာဟလာမယ့် အခြေအနေကြုံခဲ့ရပါတယ်။
ဒါပေမယ့် မန်စီးတီးဟာ ဘာနာဒိုဆေးလ်ဗားရဲ့ ချေပဂိုး၊ အာလင်းဟာလန်းရဲ့ နောက်ကျပင်နယ်တီဂိုးတို့ကြောင့် အနိုင်ရရှိသွားခဲ့ပါတယ်။
ပွဲပြီးခါနီးအချိန်ပို ၁၀၀ မိနစ်တွင် ရာယန်ချာကီက ကွင်းလယ်တစ်ဝက်မှ မန်စီးတီးအတွက် တတိယဂိုးသွင်းခဲ့ပေမယ့်လည်း VAR က ဆိုဘိုဆလိုင်းနှင့် ဟာလန်းအကြား အင်္ကျီအပြန်အလှန်ဆွဲခဲ့တယ်ဆိုပြီး ဂိုးမပေးခဲ့ပါဘူး။ ယင်းအဖြစ်အပျက်ကြောင့် ဆိုဘိုဆလိုင်းမှာ အနီကတ်ပြသခြင်းခံခဲ့ရပါတယ်။
မန်စီးတီးဟာ လီဗာပူးနိုင်ပွဲကြောင့် ထိပ်ဆုံးမှ အာဆင်နယ်နှင့် ၆ မှတ်အကွာမှ ဆက်လက်ဖိအားပေးနေပြီး ဗုဒ္ဓဟူးနေ့တွင် ဖူလ်ဟမ်နှင့် ရင်ဆိုင်ရပါမယ်။
ဂွါဒီယိုလာက "အခု ကျွန်တော်တို့ အားလုံး လုပ်နိုင်တာက မန်စီးတီးကို အသက်ရှူကျပ်အောင် လုပ်ဖို့ပါ။ သူတို့ အိပ်ပျော်သွားရင်၊ အမှားတစ်ခု လုပ်မိရင် ကျွန်တော်တို့ အသုံးချလာပါမယ်။ ကြီးမားတဲ့ ကွာဟမှုပါ(အမှတ်)။ ဒါပေမယ့် အများကြီး ဖြစ်လာနိုင်ပါသေးတယ်။ ပရီးမီးယားလိဂ်ပွဲ ၁၃ ပွဲကစားရဦးမယ်။ ကျွန်တော့်အတွေ့အကြုံနည်းနည်းလေးနဲ့ ပြောရရင် အချိန်များကြီး ကျန်ပါသေးတယ်။ အများကြီးပါ"လို့ ပြောကြားသွားပါတယ်။
မန်စီးတီးဟာ အန်ဖီးလ်တွင် လီဗာပူးအား နောက်ဆုံးရင်ဆိုင်တဲ့ ၅၃ ပွဲတွင် တတိယအကြိမ်မြောက် အနိုင်ရလာတာ ဖြစ်ပါတယ်။
ဒါ့အပြင် ၎င်းတို့ဟာ ၈၉ နှစ်အတွင်းတွင် ပထမဆုံးအကြိမ်အဖြစ် ပရီးမီးယားလိဂ်နှစ်ကျော့လုံး လီဗာပူးအား အနိုင်ရထားပါတယ်။
