အက်သလက်တီကိုနိုင်ပွဲတွင် ဘက်တစ်အတွက် လှပတဲ့ အဝေးကန်ချက်ဖြင့် အနိုင်ဂိုးသွင်းပြီးနောက် ရော်နယ်ဒိုရဲ့ အောင်ပွဲခံမှုဖြင့် အောင်ပွဲခံခဲ့တဲ့ အန်တိုနီ
===================
ယူနိုက်တက်တောင်ပံကစားသမားဟောင်းအန်တိုနီဟာ အက်သလက်တီကိုအား ၁-၀ ဂိုးဖြင့် အနိုင်ရတဲ့ပွဲတွင် ဘက်တစ်အတွက် တစ်လုံးတည်းသော အနိုင်ဂိုးအား အဝေးကန်ချက်ဖြင့် သွင်းယူပြီးနောက် ခရစ္စတီယာနိုရော်နယ်ဒိုရဲ့ 'calma' :ဂိုးသွင်းအောင်ပွဲခံမှုဖြင့် အောင်ပွဲခံခဲ့ပါတယ်။
အန်တိုနီဟာ ပြီးခဲ့တဲ့ နွေရာသီတွင် တစ်ရာသီကြာ အငှားဖြင့် ကစားခဲ့တဲ့ ဘက်တစ်သို့ အပြီးသတ်စာချုပ်ဖြင့် ပြောင်းလာခဲ့သူ ဖြစ်ပါတယ်။ သူဟာ တနင်္ဂနွေနေ့တုန်းက အက်သလက်တီကိုအား အနိုင်ရတဲ့ပွဲတွင် တစ်လုံးတည်းသော အနိုင်ဂိုးအား ဧရိယာအပြင်မှ ဘယ်ခြေကန်ချက်ဖြင့် မမှတ်မထင်ကန်သွင်းခဲ့တာလည်း ဖြစ်ပါတယ်။
ဘရာဇီးလက်ရွေးစင်ကစားသမားဟာ ဂိုးသွင်းယူပြီးနောက် သူ လေးစားအားကျရတဲ့ ယူနိုက်တက်ကစားဖော်ဟောင်းရော်နယ်ဒိုရဲ့ နာမည်ကျော် အောင်ပွဲခံမှုများထဲမှ တစ်ခု ဖြစ်တဲ့ 'calma' ဖြင့် အောင်ပွဲခံခဲ့ပါတယ်။
အန်တိုနီဟာ ယခုရာသီတွင် ဘက်တစ်အတွက် လာလီဂါပွဲ ၁၈ ပွဲကစားထားရာမှာ ၆ ဂိုးသွင်းပြီး ၄ ကြိမ် ဖန်တီးမှု ပြုလုပ်ထားနိုင်ပါတယ်။
သူဟာ ပြီးခဲ့တဲ့ရာသီတုန်းက ပြိုင်ပွဲအရပ်ရပ်တွင် ဘက်တစ်အတွက် ၂၆ ပွဲကစားခဲ့ရာမှာ ၉ ဂိုးသွင်းနိုင်ခဲ့ပါတယ်။
