မက်တယ်လ်သီချင်းကြိုက်သူ ဂျပန် သံမဏိလေဒီ တာကာအိချိ ရွေးကောက်ပွဲတွင် တောင်ပြိုကမ်းပြို အနိုင်ရ
ဂျပန်နိုင်ငံ၏ ပထမဆုံး အမျိုးသမီးဝန်ကြီးချုပ် ဆာနာအဲတာကာအိချိ၏ မဟာမိတ်အဖွဲ့သည် ယနေ့ ကျင်းပသော အောက်လွှတ်တော် ရွေးကောက်ပွဲတွင် တောင်ပြိုကမ်းပြို အနိုင်ရရှိခဲ့ပြီး အခွန်လျော့ချရေး နှင့် စစ်ရေးအသုံးစရိတ် မြှင့်တင်ရေးစသော ၎င်း၏ မူဝါဒများ အကောင်အထည်ဖော်ရန်လည်း လမ်းပွင့်သွားခဲ့သည်။
ဗြိတိန်မှ သံမဏိအမျိုးသမီးကြီး မာဂရက်သက်ချာကို လေးစားအားကျခဲ့သည်ဆိုသော တာကာအိချိသည် ၎င်း၏ လစ်ဘရယ် ဒီမိုကရက်တစ်ပါတီ(LDP) အတွက်အမတ်နေရာ ၄၆၅ နေရာရှိသော အောက်လွှတ်တော်မှ အမတ်နေရာ ၃၂၈ နေရာ အနိုင်ရအောင် လုပ်နိုင်မည်ဟု ခန့်မှန်းထားသည်။
LDP ပါတီတစ်ခုတည်းကပင် လူများစုဖြစ်သည့် ၂၃၃ နေ ရာထက် သာလွန် အနိုင်ရထားပီဖြစ်ရာ Ishin ဟု လူသိမားသော မဟာမိတ် ဂျပန်တီထွင်ဆန်းသစ်မှုပါတီ၏ အနိုင်အမတ်များနှင့် ပေါင်းလိုက်ပါက အင်အားကြီးသည့် လူများစုနေရာ ရယူရန် သေချာသလောက်ရှိသည်ဟု ဂျပန် NHK သတင်းက ခန့်မှန်းထားသည်။
“ဒီရွေးကောက်ပွဲက ကြီးမားတဲ့ မူဝါဒ အပြောင်းအလဲတွေ ပါဝင်ပတ်သက်ပါတယ်။ အထူးသဖြင့် ကြီးမားတဲ့ စီးပွားရေးနဲ့ ဘဏ္ဍာရေးမူဝါဒပိုင်း အပြောင်းအလဲနဲ့ လုံခြုံရေးပိုင်း တောင့်တင်းရေး မူဝါဒတွေ ပါဝင်ပါတယ်"ဟု ရလဒ်များ တဖြည်းဖြည်း ရရှိလာချိန်၌ ရုပ်သံအင်တာဗျူးတွင် တာကာအိချိက ပြော သည်။
ဒီမူဝါဒတွေအပေါ် ဆန့်ကျင်တာတွေလည်း အများအပြားရှိခဲ့ပါတယ်။ ပြည်သူ လူထုရဲ့ ထောက်ခံမှုကို ကျွန်မတို့ရပြီဆိုရင် ဒီကိစ္စတွေကို ကျွန်မတို့က အစွမ်းကုန် ကိုင်တွယ်သွားရမှာ ဖြစ်ပါတယ်။" ဟု မက်တယ်လ်သီချင်းများကို ကြိုက်နှစ်သက်ပြီး ဒရမ်တီးခတ်ခြင်း ဝါသနာထုံသူ အသက် ၆၄ နှစ်အရွယ်ဂျပန်သံ မဏိလေဒီက ဆိုသည်။
