ဘူးညွန့်ကြော်တဲ့အခါ အရောင်မည်းသွားပြီး စားချင်စဖွယ် မရှိဖြစ်တတ်တာ အိမ်ရှင်မတိုင်း ကြုံဖူးကြမှာပါ။
ဒီနေ့မှာတော့ ဘူးညွန့်ကို ဟိုတယ်ကချက်သလို "အမြဲစိမ်းစိုပြီး နူးအိနေစေမယ့်" လျှို့ဝှက်ချက်လေးတွေကို မျှဝေပေးချင်ပါတယ်။
✨ဘူးညွန့်ကြော်တဲ့အခါ စိမ်းစိမ်းလေးနဲ့ မြင်သူတကာ သွားရည်ကျစေဖို့ ဒီလိုလေး လုပ်ကြည့်ရအောင်...
ဟင်းရွက်စိမ်းတွေ ကြော်တဲ့အခါ အရောင်မပြောင်းဖို့က "အပူချိန်" နဲ့ "ပြင်ဆင်ပုံ" မှာ အဓိက မူတည်ပါတယ်။
၁။ ရေနွေးဖျောပြီးမှ ကြော်ပါ (အထိရောက်ဆုံးနည်း)
ဒါကတော့ ဟိုတယ်နဲ့ စားသောက်ဆိုင်ကြီးတွေ သုံးတဲ့ နည်းလမ်းကောင်းလေးပါ။
ရေနွေးဆူဆူထဲမှာ ဆားနဲ့ ဟင်းချက်ဆီ အနည်းငယ် ထည့်ပါ။
ပြီးရင် ဟင်းညွန့်တွေကို စက္ကန့် ၃၀ ခန့် ခဏလေး ထည့်ဖျောပြီး ပြန်ဆယ်ပါ။
ချက်ချင်း ရေအေး (သို့မဟုတ်) ရေခဲရေထဲ ခဏစိမ်လိုက်ပါ။ (ဒါကို Shocking လို့ခေါ်ပြီး အရောင်ကို စိမ်းမြမြလေးအတိုင်း တန့်သွားစေပါတယ်)။
ရေစစ်ပြီးမှ ကြော်ရင် အမြဲစိမ်းစိုနေမှာ အသေအချာပါပဲ။
၂။ မီးပြင်းပြင်းနဲ့ ခဏလေးပဲ ကြော်ပါ
ဟင်းရွက်စိမ်းတွေဟာ အပူနဲ့ ကြာကြာထိလေ မည်းသွားလေ ဖြစ်တတ်ပါတယ်။
ဆီပူလာတဲ့အခါ မီးကို အပြင်းဆုံးမြှင့်ထားပါ။
ဟင်းညွန့်တွေ ထည့်ပြီးရင် အကြာကြီး မထားဘဲ ဟိုဘက်ဒီဘက် အမြန်လှန်ကာ ချက်ချင်းချပါ။
အိုးထဲမှာ အကြာကြီး နှပ်မထားပါနဲ့။
၃။ ဟင်းချက်ဆော့စ်တွေကို အဆုံးမှ ထည့်ပါ
ပဲငံပြာရည်၊ ခရုဆီနဲ့ ဆားတို့ကို ကြော်နေစဉ်မှာ မထည့်ဘဲ ဟင်းအိုးချခါနီးမှ ထည့်ပြီး နယ်ပေးပါ။
အထူးသဖြင့် ပဲငံပြာရည်က ဟင်းရွက်ကို အရောင်ပြောင်းစေတတ်လို့ သတိထားသုံးပါ။
💡 Extra Tip - ဟင်းရွက်ကြော်နေချိန်မှာ အိုးအဖုံး လုံးဝ မအုပ်ပါနဲ့။ အဖုံးအုပ်လိုက်ရင် အငွေ့တွေကြောင့် ဟင်းရွက်က မည်းသွားတတ်ပြီး အဖတ်တွေ ပျော့ဖတ်ဖတ် ဖြစ်သွားတတ်လို့ပါ။
ဒီနည်းလမ်းအတိုင်း ကြော်ကြည့်မယ်ဆိုရင်တော့ သင့်ရဲ့ ထမင်းဝိုင်းမှာ စိမ်းစိမ်းစိုစိုနဲ့ အရသာရှိတဲ့ ဘူးညွန့်ကြော်လေးကို ရရှိမှာပါပဲ။
Crd