၁၈၆၄ ခုနှစ်တုန်းက ပရပ်ရှား (Prussia) ရဲ့ သိမ်းပိုက်မှုကို ခံလိုက်ရတဲ့ ဒိန်းမတ်တောင်ပိုင်းဒေသတွေမှာ ဒိန်းမတ်လူမျိုးတို့ရဲ့ အမျိုးသားရေးပြယုဂ်ဖြစ်တဲ့ Dannebrog (အနီရောင်နောက်ခံမှာ အဖြူရောင်လက်ဝါးကပ်တိုင်ပါတဲ့ အလံ) ကို အသုံးမပြုဖို့ တားမြစ်ပိတ်ပင်ခြင်း ခံခဲ့ရပါတယ်
ဒီလိုနဲ့ ဒိန်းမတ်တောင်သူတွေဟာ သူတို့ရဲ့ မျိုးချစ်စိတ်ဓာတ်ကို ဖော်ပြဖို့အတွက်ထူးခြားတဲ့ နည်းလမ်းတစ်ခုကို ရှာဖွေတွေ့ရှိခဲ့ကြပါတယ် သူတို့ဟာ ဝက်တွေကို စနစ်တကျ မျိုးစပ်မွေးမြူခဲ့ကြပြီး ကိုယ်ထည်က အနီရောင် ၊ ဝမ်းဗိုက်ပတ်ပတ်လည်မှာ အဖြူရောင်အစင်းကျယ်ကြီးပါတဲ့ ဝက်မျိုးစိတ်သစ်ကို ဖန်တီးခဲ့ကြပါတယ်
ဒီဝက်ကလေးတွေကို ကြည့်လိုက်ရင် ဒိန်းမတ်အလံရဲ့ အရောင်နဲ့ ပုံသဏ္ဌာန်ကို အမှတ်ရစေပါတယ် အစိုးရက အလံလွှင့်တာကို ပိတ်ပင်နိုင်ပေမဲ့ ဝက်ခြံထဲက ဝက်တွေကိုတော့ နိုင်ငံရေးသင်္ကေတ လို့ သတ်မှတ်ပြီး ဖမ်းဆီးဖို့ ဒါမှမဟုတ် သxတ်ပစ်ဖို့ ဥပဒေအရ လုပ်ဆောင်ဖို့ ဘယ်လိုမှ မဖြစ်နိုင်ခဲ့ပါဘူး ဒီဝက်ကလေးတွေဟာ လမ်းပေါ်ထွက် ဆန္ဒပြတာမျိုး မဟုတ်ဘဲ၊ နေ့စဉ်ဘဝရဲ့ စိုက်ပျိုးမွေးမြူရေးကတစ်ဆင့် မိမိတို့ရဲ့ ယဉ်ကျေးမှုကို ဘယ်လို ထိန်းသိမ်းခဲ့ကြသလဲဆိုတာကို ပြသနေပါတယ်
၁၉၂၀ ခုနှစ် ဒိန်းမတ်တောင်ပိုင်းဒေသတွေ မိခင်နိုင်ငံနဲ့ ပြန်လည်ပေါင်းစည်းသွားတဲ့အခါမှာတော့ ဒီဝက်ကလေးတွေရဲ့ နိုင်ငံရေးအခန်းကဏ္ဍဟာ ပြီးဆုံးသွားခဲ့ပါတယ် စက်မှုလယ်ယာစနစ်တွေကြောင့် ဒီဝက်မျိုးစိတ်ဟာ မျိုးသုဉ်းလုနီးပါး ဖြစ်ခဲ့ပေမဲ့ ယနေ့ခေတ်မှာတော့ သမိုင်းဝင် အထိမ်းအမှတ်အနေနဲ့ သီးသန့် ထိန်းသိမ်းစောင့်ရှောက်ထားကြပါတယ်