မနာလိုစိတ်ရှိတဲ့သူနဲ့
မရှိတဲ့သူဆိုတာ
မျက်နှာမှာတင်အရမ်းကွာတယ်
လှတာမလှတာထက်
အေးချမ်းတာနဲ့ ပူလောင်တာ မှာ
သိသာလွန်းတယ်
ဘယ်လိုပဲ
ဟန်ဆောင်နေပေမဲ့
ခံစားချက်အစစ်အမှန်ကိုတော့
ဖုံးကွယ်လို့မရပါဘူး
အထူးသဖြင့် မျက်နှာမှာပေါ့
မျက်နှာလေးက
ဘယ်လောက်ပဲ လှနေပါစေ
မကောင်းတဲ့စိတ်တွေဝင်လာရင်
အကြည်ဓာတ်တွေပျောက်ဆုံးပြီး
ရုပ်ဆိုးသွားတတ်တယ်
မနာလိုစိတ်ဆိုတာ
ကောင်းတဲ့အရာတစ်ခု မဟုတ်လို့
မမွေးမြူတာ အကောင်းဆုံးပါပဲ
ကိုယ့်ထက်သာတဲ့
တော်တဲ့သူ တွေ့တဲ့အခါ
ချီးကျူးသင့်ရင် တော်တယ်လို့
ရဲရဲ ချီးကျူးလိုက်ပါ
အားကျသင့်ရင် ပွင့်ပွင့်လင်းလင်း
အားကျလိုက်ပစ်လိုက်ပါ
စိတ်ထဲမှာ ကြိတ်ခံစားပြီး
ကိုယ့်ကိုကိုယ် ပူလောင်မခံပါနဲ့
သူလည်း သူ့ဘဝနဲ့ သူ
ကိုယ်လည်း ကိုယ့်ဘဝနဲ့ကိုယ်ပါ
သူက ကိုယ့်ထက်သာနေလို့
သူ့လိုဖြစ်ချင်ရင်
သူ့လို လိုက်ကြိုးစားပါ
သူ့လိုဖြစ်အောင် လုပ်ပါ
ကိုယ်လည်း ဖြစ်လာနိုင်ပါတယ်
ကိုယ်ပိုင်ဆိုင်ထားတဲ့
ဘဝလေးကို
အေးအေးချမ်းချမ်းနဲ့
ပျော်ပျော်ရွှင်ရွှင်
ဖြတ်သန်းချင်တယ်ဆိုရင်
ကိုယ့်မှာ မကောင်းတဲ့
စိတ်ဓာတ်တွေ
အရည်အသွေးတွေ
မရှိနေမှ ဖြစ်မှာပါ
အများကြီးမဟုတ်ရင်တောင်
ပြည့်ဝတဲ့ စိတ်ဓာတ်လေးတော့
ရှိအောင်ကြိုးစားပါ
ကိုယ့်ထက်သာရင်
မနာလိုတယ်ဆိုတဲ့
အရာကြီးက
စိတ်ကိုတင်မကပဲ
လူကိုပါ ရုပ်ဆိုးစေတာမို့
မထားတာအကောင်းဆုံးပါပဲ
ကိုယ့်စိတ်နဲ့ကိုယ်
ပူလောင် မခံပါနဲ့
ရုပ်ဆိုးမခံပါနဲ့
လှအောင်ပဲနေပါ
စိတ်ထားလှရင် လူကလည်း
သူ့အလိုလို လှလာပါလိမ့်မယ်
လေးစားစွာဖြင့် ~ ☕
#ℂ?????_
