ပါကွီတာအား ဖလာမင်ဂိုသို့ ပေါင် ၃၅.၅ သန်းဖြင့် ရောင်းချရန် ဝက်စ်ဟမ်း သဘောတူညီမှု ရရှိ
==================
ဝက်စ်ဟမ်းဟာ ဘရာဇီးတိုက်စစ်သမားလူးကပ်စ်ပါကွီတာအား ဖလာမင်ဂိုသို့ ယူရို ၄၁ သန်း(ပေါင် ၃၅.၅ သန်း)ဖြင့် ရောင်းချရန် သဘောတူညီလိုက်ပြီ ဖြစ်ပါတယ်။
အသက် ၂၈ နှစ်ရှိ ပါကွီတာဟာ ၂၀၂၂ ခုနှစ်တွင် လိုင်ယွန်မှ ပြောင်းလာပြီးနောက် ဝက်စ်ဟမ်းတွင် အဓိကကစားသမားအဖြစ် ကစားလာသူ ဖြစ်ပြီး ဇန်နဝါရီလ အစောပိုင်းတုန်းက ဖလာမင်ဂိုသို့ ပြောင်းခွင့်ပေးရန် တောင်းဆိုခဲ့သူလည်း ဖြစ်ပါတယ်။
ဝက်စ်ဟမ်းဟာ အစောပိုင်းတုန်းက ပါကွီတာအား ရာသီအကုန်အထိ အငှားဖြင့် ဆက်လက်ခေါ်ယူနိုင်မည်ဆိုပါက အပြောင်းအရွှေ့ကို လက်ခံရန် လုပ်ဆောင်ထားပေမယ့်လည်း ဖလာမင်ဂိုဘက်က ယခုလတွင်ပင် အပြောင်းအရွှေ့ဖြစ်မြောက်ရေး ကြိုးပမ်းလာခဲ့တာပါ။
ယခုအခါမှာတော့ ပါကွီတာဟာ ဖလာမင်ဂိုသို့ ပြောင်းလာတော့မှာလည်း ဖြစ်ပါတယ်။
ဝက်စ်ဟမ်းဟာ ပြီးခဲ့တဲ့ရက်သတ္တပတ်များတွင် ပါကွီတာ မပါဝင်ပေမယ့်လည်း ၃ ပွဲဆက် နိုင်ပွဲ ရရှိထားကာ ၂၀၂၃ ခုနှစ်နောက်ပိုင်း ပထမဆုံးအကြိမ် ၃ ပွဲဆက် နိုင်ပွဲ ရထားပါတယ်။
ဒါပေမယ့် ဝက်စ်ဟမ်းဟာ တန်းဆင်းဇုန်ပြင်ပနှင့် ၅ မှတ်အကွာ အဆင့် ၁၈ နေရာမှာ ရပ်တည်နေတုန်း ဖြစ်ပါတယ်။
