၂၀၃၀ ကမ္ဘာ့ဖလားဗိုလ်လုပွဲကို စပိန်တွင် ကစားသွားမည်
===================
စပိန်ဘောလုံးအဖွဲ့ချုပ်ဥက္ကဌက ၂၀၃၀ အမျိုးသားကမ္ဘာ့ဖလားဗိုလ်လုပွဲကို စပိန်တွင် ကစားသွားမည်ဖြစ်ကြောင်း အတည်ပြု ကြေညာသွားပါတယ်။
၂၀၃၀ ကမ္ဘာ့ဖလားပြိုင်ပွဲကို စပိန်၊ ပေါ်တူဂီနှင့် မော်ရိုကိုတို့က ပူးတွဲအိမ်ရှင်အဖြစ် ကျင်းပသွားမှာ ဖြစ်ပြီး ကမ္ဘာ့ဖလားနှစ်တစ်ရာပြည့်အထိမ်းအမှတ်အဖြစ် အဖွင့်ပွဲ ၃ ပွဲကို ဥရုဂွေး၊ အာဂျင်တီးနားနှင့် ပါရာဂွေးတို့တွင် ကျင်းပလာပါမယ်။
မော်ရိုကိုက ကမ္ဘာ့ဖလားဗိုလ်လုပွဲကို လက်ခံကျင်းပရေး စိတ်အားထက်သန်ခဲ့ပေမယ့်လည်း စပိန်ဘောလုံးအဖွဲ့ချုပ်ဥက္ကဌရာဖေးလ်လူးဝစ်ဇ်က "စပိန်က အဖွဲ့အစည်းဆိုင်ရာစွမ်းရည်ကို နှစ်ပေါင်းများစွာ သက်သေပြလာခဲ့ပြီး ဖြစ်ပါတယ်။ ဒါက ၂၀၃၀ ကမ္ဘာ့ဖလားရဲ့ ခေါင်းဆောင်လာစေပါမယ်။ ကမ္ဘာ့ဖလားဗိုလ်လုပွဲကို ဒီမှာပဲ ကစားလာပါမယ်"လို့ ပြောကြားသွားပါတယ်။
၂၀၃၀ ကမ္ဘာ့ဖလားဗိုလ်လုပွဲအား ကစားရန် ရီးရဲလ်မက်ဒရစ်ရဲ့ ဘာနေဗျူးကွင်းနှင့် ဘာစီလိုနာရဲ့ နူးကမ့်ကွင်းတို့အား လျာထားတယ်လို့ သတင်းထွက်နေပေမယ့် စပိန်ဘောလုံးအဖွဲ့ချုပ်ကတော့ နောက်ထပ် အချက်အလက်များကို ပြောကြားသွားခြင်း မရှိပါဘူး။
ဒါပေမယ့် ကမ္ဘာ့ဖလားဗိုလ်လုပွဲကို ဘယ်မှာ ကစားမယ်ဆိုတာ ဖီဖာကသာ ဆုံးဖြတ်လာမှာ ဖြစ်ပါတယ်။
မော်ရိုကိုက ကမ္ဘာ့ဖလားဗိုလ်လုပွဲကို ကာဆာဘလင်ကာရှိ Grand Stade Hassan II ကွင်းတွင် ကျင်းပလာနေတာပါ။ ယင်းကွင်းကို ၂၀၂၈ ခုနှစ်တွင် အပြီးသတ်လာမှာ ဖြစ်ပြီး ပရိသတ် ၁၁၅၀၀၀ ဝင်ဆန့်လာပါမယ်။
