ဟာလန်း ဝင်ရောက်စားသောက်ပြီးနောက် လူတိုးမပေါက်အောင် ဈေးရောင်းကောင်းသွားတဲ့ နော်ဝေမှ ကော်ဖီဆိုင်ငယ်လေး
====================

ဂိုးသွင်းစက် အာလင်းဟာလန်း အသားလုံး ဝင်ရောက် စားသောက်ခဲ့တဲ့ နော်ဝေမှ ကော်ဖီဆိုင်ငယ်လေးဟာ တစ်နေ့လျှင် အသားလုံး ကီလို ၃၀ အထိ ရောင်းချရတဲ့အထိ ရောင်းအား ကောင်းမွန်လာခဲ့ပါတယ်။
အသက် ၂၅ နှစ်ရှိ မန်စီးတီးစတားဟာ တနင်္ဂနွေနေ့တုန်းက မွေးရပ်မြေ နော်ဝေသို့ ရောက်ရှိစဉ် ယင်းဆိုင်ငယ်လေးသို့ ဝင်ရောက်ပြီး စားသောက်ခဲ့တာပါ။
အရပ် ၆ ပေ၊ ၅ လက်မရှိ တိုက်စစ်မှူးဟာ ယင်းဆိုင်ငယ်လေးသို့ ရောက်လာချိန်တွင် အသားလုံးနှစ်ပန်းကန်မှာယူစားသောက်ခဲ့တာလည်း ဖြစ်ပါတယ်။
နီယာဘိုရှိ Kafé Jaerbuen ကို ဂျက်တီဘော်လန်းက ပိုင်ဆိုင်တာ ဖြစ်ပြီး မိသားစုဝင်များ စုဖွဲ့ လုပ်ကိုင်တဲ့ ဆိုင်လေးဖြစ်ပါတယ်။
ဘော်လန်းက "သူချပေးတဲ့ အများကြီး။ ဒါပေမယ့် အလွယ်တကူ ကုန်အောင် စားပစ်နိုင်ခဲ့တယ်။ သူ အစားအသောက်အများကြီးစားဖို့ လိုတဲ့ လူသန်ကြီးပါ"လို့ ပြောကြားသွားပါတယ်။
ဟာလန်းစားသောက်နေတဲ့ ဓာတ်ပုံကို ၎င်းတို့က အွန်လိုင်းတွင် တင်လိုက်ချိန်မှာတော့ ပရိသတ်အမြောက်အမြားတို့ဟာ အသားလုံးမှာယူစားသောက်လာကြပါတော့တယ်။
ဘော်လန်းက "ရောင်းအားကောင်းသွားတယ်။ တစ်နေ့ အသားလုံး ကီလို ၃၀ အထိ ကြော်ရတယ်။ အားလုံး အလွယ်တကူပဲ ရောင်းချခဲ့ရတယ်။ အခု အသားလုံးက ကိုယ်ပိုင်အမှတ်တံဆိပ်လိုတောင် ဖြစ်နေပြီ"လို့ ပြောကြားသွားပါတယ်။
အာလင်းဟာလန်းဟာ အစားသောင်းကျန်းသူ တစ်ဦးဖြစ်ပြီး Youtube တွင် ကိုယ်ပိုင် Food Channel တည်ထောင်ထားသူလည်း ဖြစ်ပါတယ်။
ဟာလန်းဟာ ပြီးခဲ့တဲ့အပတ်တုန်းက မွေးရပ်မြေ နော်ဝေသို့ တကျော့ပြန်ရောက်ခဲ့ရာမှာ ချန်ပီယံလိဂ်တွင် ဘိုဒို/ဂလမ့်အား အရှက်တကွဲရှုံးနိမ့်ခဲ့ပါတယ်။
မန်စီးတီးဟာ ယင်းရှုံးပွဲကြောင့် ချန်ပီယံလိဂ် ရှုံးထွက်အဆင့်သို့ တိုက်ရိုက်တက်ရောက်ရေး မရေမရာ ဖြစ်လာပါတယ်။