ဂျပန်နိုင်ငံ ရွေးကောက်ပွဲအတွက် မဲဆွယ်စည်းရုံးမှုများ စတင်
ဂျပန်နိုင်ငံ၏ ဖေဖော်ဝါရီလ ၈ ရက် နေ့၌ ကျင်းပမည့် အထွေထွေရွေးကောက်ပွဲအတွက် မဲဆွယ်စည်းရုံးမှုများကို အင်္ဂါနေ့တွင် နိုင်ငံတစ်ဝန်း တရားဝင်စတင်ခဲ့ပြီး အောက်လွှတ်တော်တွင် အမတ်နေရာ ၄၆၅ နေရာစလုံး ဝင်ရောက်ယှဉ်ပြိုင်ခဲ့ကြသည်။
ရွေးကောက်ပွဲ၏ အဓိက ဦးတည်ချက်မှာ အာဏာရ လစ်ဘရယ် ဒီမိုကရက်တစ်ပါတီ (LDP) နှင့် ဂျပန် အင်နော့ဗတစ်ပါတီ (JIP) တို့က အမတ်နေရာ အများစုကို ရယူပြီး ဝန်ကြီးချုပ် ဆနားအဲ တာကအိချိ၏ အစိုးရက ဆက်လက် တာဝန်ထမ်ူဆောင်မည်လား သို့မဟုတ် အတိုက်အခံများက ၎င်း၏ အင်အားကို ချဲ့ထွင်ကာ ယင်းရလဒ်ကို ပိတ်ဆို့မည် လားဟူ၍ဖြစ်သည်။
အောက်လွှတ်တော် အမတ်နေရာ ၄၆၅ နေရာ အနက်မှ ၂၈၉ ဦးကို တိုင်းဒေသကြီး ၁၁ ခုမှ ရွေးချယ်ကာ အချိုးကျကိုယ်စားပြုဖြင့် ၁၇၆ နေရာကို ရွေးကောက်တင်မြှောက်မည်ဖြစ်သည်။ အမျိုးသား ရုပ်သံလိုင်း NHK မှ ကိုယ်စားလှယ်လောင်း ၁,၂၀၀ ကျော် ဝင်ရောက်ယှဉ်ပြိုင်ရန် မျှော်လင့်ထားကြောင်း သိရသည်။
ငွေဖောင်းပွမှုအပေါ် တုံ့ပြန်မှုအပြင် နိုင်ငံခြား ရေးနှင့် လုံခြုံရေးမူဝါဒများနှင့်ပတ်သက်၍ ပါတီများသည် မဲဆွယ်ကာလအတွင်း အပြင်းအထန် ငြင်းခုံစကားရည်လုကြလိမ့်မည်ဟု NHK က ခန့်မှန်းထားသည်။
LDP သည် ယခင်က အောက်လွှတ်တော်တွင် ၁၉၉ နေရာရရှိခဲ့ပြီး ၎င်း၏မဟာမိတ် JIP က ၃၄ နေရာရရှိထားသည်။ LDP ၏ဥက္ကဋ္ဌလည်းဖြစ်သည့် ဆနားအဲ က လာမည့်ရွေးကောက်ပွဲတွင် အများစုအနိုင်မရပါက ရာထူးမှ ချက်ချင်းနုတ်ထွက်မည်ဖြစ်ကြောင်း တနင်္လာနေ့တွင် ပါတီခေါင်းဆောင်များ၏ စကားစစ်ထိုးပွဲတွင် ပြောကြားခဲ့သည်။
မူဝါဒကို ဦးစားပေး အကောင်အထည်ဖော်မည်ဟု ကတိပြုထားသော်လည်း ဧပြီလတွင် စတင်မည့် ပါလီမန်၏ 2026 ဘဏ္ဍာရေးနှစ်အတွက် ကနဦးဘတ်ဂျက်ကို အတည်ပြုခြင်းမပြုမီ နိုင်ငံရေးအရ ထည့်သွင်းစဉ်းစားရန် တာခါချီ ၏ အစီအစဉ်ကို အတိုက်အခံပါတီများက ပြစ်တင်ဝေဖန်ခဲ့ကြသည်။
