ချဲလ်ဆီးနည်းပြဟောင်းအား ဘယ်သူမှ မကြိုက်တဲ့နည်းပြ၊ အမြဲဒေါသထွက်နေတဲ့ နည်းပြလို့ ဒီယေဂိုကော့စတာဝေဖန်လာ
=====================
ဒီယေဂိုကော့စတာက ချဲလ်ဆီးနည်းပြဟောင်းအန်တိုနီယိုကွန်တီအား ဘယ်သူမှ မကြိုက်တဲ့ နည်းပြ၊ အမြဲဒေါသထွက်နေတဲ့ အီတလီသားလို့ သမုတ်လာပါတယ်။
ကော့စတာနှင့် ကွန်တီတို့ဟာ ၂၀၁၇ ခုနှစ်တုန်းက ချဲလ်ဆီးတွင် လက်တွဲစဉ် ပရီးမီးယားလိဂ်ဖလား ရရှိအောင် စွမ်းဆောင်နိုင်ခဲ့ကြပါတယ်။
ဒေါသထွက်လွယ်တဲ့ အသက် ၃၇ နှစ်ရှိ ကော့စတာဟာ ထိုစဉ်တုန်းက ဂိုး ၂၀ သွင်းခဲ့သလို ကွန်တီကလည်း စိတ်အားထက်သန်တဲ့ သူတစ်ဦးဖြစ်ရာ ချဲလ်ဆီးပရိသတ်များက ပရီးမီးယားလိဂ်ခေတ်ကို ပြန်လွှမ်းမိုးနိုင်တော့မယ်လို့ ယုံကြည်ခဲ့ကြပါတယ်။
အသက် ၅၆ နှစ်ရှိ ကွန်တီဟာ ရာသီအကုန်မှာတော့ ဒီယေဂိုကော့စတာကို ဖယ်ရှားပြီး မိုရာတာနှင့် အစားထိုးခဲ့ပါတယ်။
ထိုစဉ်တုန်းက ကော့စတာဟာ ကွန်တီထံသို့ 'ဟိုင်း ဒီယေဂို၊ မင်း အစစရာရာ အဆင်ပြေဖို့ မျှော်လင့်ပါတယ်။ အတူတွဲခဲ့တဲ့ ရာသီအတွက် ကျေးဇူးတင်ပါတယ်။ လာမယ့်နှစ်မှာ ကံကောင်းပါစေ။ ဒါပေမယ့် မင်းက ငါ့အစီအစဉ်ထဲမှာ မပါဘူး"လို့ မက်ဆေ့ချ်ပို့ခဲ့ပါတယ်။
ကော့စတာဟာ ကွန်တီရဲ့ အစီအစဉ်တွင် မပါဝင်ပြီးနောက် အက်သလက်တီကိုသို့ ပြန်သွားခဲ့ပါတယ်။
ယခုအခါ ဝုဗ်တိုက်စစ်မှူးဟောင်းက ကွန်တီရဲ့ လေ့ကျင့်ရေးကွင်းအတွင်း အပြုသဘောမဆောင်တဲ့ အပြုအမူများကို ဝေဖန်လာပါတယ်။ စပိန်တိုက်စစ်မှူးဟောင်းက ကွန်တီရဲ့ ဘယ်သူ့အပေါ်တွင်မှ မယုံကြည်မှုက ကော့ဘ်ဟမ်လေ့ကျင့်ရေးကွင်းအတွင်း ပျော်စရာပျောက်ဆုံးသွားစေခဲ့ကြောင်း ယုံကြည်နေပါတယ်။
ကွန်တီဟာ အက်ဖ်အေဖလားဆွတ်ခူးခဲ့ပေမယ့် ၂၀၁၈ ခုနှစ်တွင် ထုတ်ပယ်ခြင်းခံခဲ့ရပါတယ်။
လွန်ခဲ့တဲ့ တစ်နှစ်တုန်းက ဂရီမီယိုမှ ထွက်ခွာပြီးနောက် ကလပ်လက်မဲ့ ဖြစ်နေတဲ့ ကော့စတာက "သူက ဘယ်သူ့ကိုမှ မယုံတဲ့သူပါ။ ကိုယ်သိကိုယ်တတ်ဆိုတဲ့လူစားမျိုး။ သူနဲ့ဆို လေ့ကျင့်ရေးကွင်းမှာ မပျော်ရဘူး။ သူက အမြဲဒေါသထွက်နေတာ။ အမြဲတမ်း မျက်နှာကြောကြီးနဲ့။ ကစားသမားတွေ ပြန်လာချင်ကြတယ်။ ဒါပေမယ့် ဘယ်သူမှ သူ့ကို သဘောမကျဘူး။ ဒါကြောင့်လည်း သူ ကြာကြာ မနေလိုက်ရတာပေါ့"လို့ ပြောကြားသွားပါတယ်။
ဒါ့အပြင် ကော့စတာက အလုပ်တွဲလုပ်ရတာ အပျော်ဆုံးနည်းပြအဖြစ် ဟိုဆေးမော်ရင်ဟိုအား ချီးကျူးသွားပါတယ်။
၎င်းတို့နှစ်ဦးဟာ ၂၀၁-၁၅ ရာသီတုန်းက ချဲလ်ဆီးတွင် ပရီးမီးယားလိဂ်ဖလား အတူ ရရှိခဲ့ကပြီး ထိုရာသီတုန်းက ကော့စတာက ဂိုး ၂၀ သွင်းနိုင်ခဲ့ပါတယ်။
ဆက်လက်ပြီး ၎င်းက "ကျုပ်အတွက်တော့ မော်ရင်ဟိုက အပျော်ရဆုံးနည်းပြပဲ။ သူက ကိုယ့်ဘဝကို ပေးတယ်။ လေ့ကျင့်ရေးကွင်းသို့ ပျော်ပျော်ကြီး သွားချင်စိတ် ဖြစ်စေတယ်"လို့ ပြောကြားသွားပါတယ်။
