ထိုင်းနိုင်ငံတွင် ကျောက်ပြားပိ၍ ေ-သဆုံးခဲ့သည့် မြန်မာလုပ်သားအတွက် နစ်နာကြေးရရှိရန် အလုပ်သမားသံရုံး ညှိ နှိုင်းဆောင်ရွက်နေ
ထိုင်းနိုင်ငံ၊ လတ်ကရဘန်းမြို့နယ်ရှိ PREGGO STONE & DESIGN ကျောက်ပြားဆိုင်တွင် ကျောက်ပြားများပြိုကျကာ မြန်မာအလုပ်သမားတစ်ဦး ကျောက်ပြားပိကာ ေ-သဆုံးခဲ့သည့်ဖြစ်စဉ်အတွက် အလုပ်သမားသံရုံးက ညှိနှိုင်းဆောင်ရွက်နေကြောင်း သိရသည်။
အဆိုပါ ဖြစ်စဉ်အတွက် ယမန်နေ့ ဇန်နဝါရီ (၁၇) ရက်က အလုပ်သမားသံမှူးနှင့် သံအရာရှိတို့က သွားရောက်၍ စက်ရုံမှ တာဝန်ရှိသူများနှင့် မြန်မာအလုပ်သမားများအားတွေ့ဆုံခဲ့ပြီး ရသင့်ရထိုက်သော နစ်နာကြေး၊ အကျိုးခံစားခွင့်များရရှိနိုင်ရေးဆွေးနွေးခဲ့ကြကြောင်း သိရသည်။
မြန်မာလုပ်သားများ နစ်နာကြေး၊ အကျိုးခံစားခွင့်များရရှိနိုင်ရေး ထိုင်းအလုပ်သမားဌာနများ၊ အလုပ်သမားအဖွဲ့အ စည်းများနှင့်ချိတ်ဆက်၍ ဆောင်ရွက်လျက်ရှိသည်ဟု ထိုင်းနိုင်ငံ အလုပ်သမားသံအရာရှိရုံးက အသိပေးထားသည်။
၂၀၂၆ ခုနှစ် ပထမလအတွင်း ထိုင်းနိုင်ငံ အလုပ်သမားသံအရာရှိရုံးက လုပ်ငန်းခွင်အတွင်း အသက်ဆုံးရှုံးခဲ့သဖြင့် နစ်နာကြေးပေးအပ်နိုင်ရန် ဆောင်ရွက်ခဲ့ရာ (၅) ဦးခန့်အထိ ပေးအပ်ပြီးကြောင်း သိရသည်။
