ဖောရက်စ်နှင့် ဂိုးမရှိသရေကျတဲ့ပွဲတွင် ရှင်းလင်းတဲ့ ပင်နယ်တီ မရရှိမှုအတွက် အာတီတာ ပေါက်ကွဲ
=====================
မီခေးလ်အာတီတာက အာဆင်နယ်မှာ နော်တင်ဟမ်ဖောရက်စ်နှင့် ဂိုးမရှိသရေကျတဲ့ပွဲတွင် ရှင်းလင်းထင်ရှားတဲ့ ပင်နယ်တီ ရရှိခဲ့သင့်ကြောင်း ပြောကြားလာပါတယ်။
အာဆင်နယ်ဟာ ပရီးမီးယားလိဂ်ဖလားပြိုင်ဘက် မန်စီးတီးတို့ ယူနိုက်တက်အား ရှုံးနိမ့်သွားချိန်တွင် ဖောရက်စ်အား အနိုင်မရရှိမှုနှင့်အတူ ရမှတ် ၉ မှတ်အထိ ဖြတ်ထားနိုင်မယ့် အခွင့်အရေး လက်လွှတ်ခဲ့ရပါတယ်။
ယင်းပွဲစဉ်တွင် အိုလာအေနာရဲ့ ပင်နယ်တီဧရိယာအတွင်း လက်ထိဘော ဖြစ်ခဲ့ပေမယ့်လည်း VAR က မတော်တဆထိတယ်ဆိုပြီး ပင်နယ်တီ မပေးခဲ့ပါဘူး။
အာတီတာက "ကျွန်တော်တို့ တကယ့်ကို ကြီးမားတဲ့ အခွင့်အရေးကြီး လေးကြိမ် ဖန်တီးနိုင်ခဲ့တယ်။ ပြီးတော့ ရှင်းလင်းတဲ့ ပင်နယ်တီကြုံခဲ့တယ်။ ဒါပေမယ့် ကျွန်တော်တို့ အနိုင်မရခဲ့ဘူး။ Replays ကနေ ကြည့်ခဲ့ရတယ်။ ဧရိယာထဲမှာ ရည်ရွယ်ချက် ရှိရှိ ဘောလုံး ထိခဲ့တာပါ။ ပင်နယ်တီဆိုတာ ရှင်းရှင်းလေးပါ။ ဘာလို့ မပေးလဲ နားမလည်နိုင်ပါဘူး"လို့ ပြောကြားသွားပါတယ်။
အာဆင်နယ်ဟာ မနေ့ညက ပွဲတွင် ဘောလုံးပိုင်ဆိုင်မှု ၆၁ ရာခိုင်နှုန်းအထိ ရရှိပြီး ဂိုးပေါက်ခြိမ်းခြောက်မှု ၁၅ ကြိမ်အထိ ရခဲ့ပေမယ့်လည်း ဂိုးပေါက်မတွေ့ခဲ့တာပါ။
