ဒုက္ခသည်ကျောင်းသားများအတွက် ကိုရီးယား လမ်းသစ်ဖွင့်ပေး
----------------------
ဒုက္ခသည်ကျောင်းသားတွေအတွက် ပညာရေးလမ်းကြောင်းအသစ်တစ်ရပ်ကို နိုင်ငံတော်က ထောက်ပံ့တဲ့ ပညာသင်ဆုအစီအစဉ်မှာ ပေါင်းစပ်ပြီး ကိုရီးယားနိုင်ငံက လမ်းကြောင်းသစ်တစ်ခုကို ဖွင့်ပေးလိုက်တယ်လို့ ကုလသမဂ္ဂ ဒုက္ခသည်ရေးရာအေဂျင်စီနဲ့ ပညာရေးအာဏာပိုင်တွေက ပြောကြောင်း The Korea Times သတင်းမှာ ဖော်ပြပါတယ်။
ကိုရီးယားရှိ ကုလသမဂ္ဂ ဒုက္ခသည်ဆိုင်ရာအထူးကိုယ်စားလှယ်(UNHCR)ရုံး၊ ကိုရီးယားနိုင်ငံ ပညာရေးဝန်ကြီး ဌာနနဲ့ တရားရေးဝန်ကြီးဌာနတို့က ကိုရီးယားနိုင်ငံမှာ အထက်တန်းပညာရေးကို ကျယ်ကျယ်ပြန့်ပြန့် ရရှိနိုင် ရေးအတွက် ဒုက္ခသည်ကျောင်းသားတွေကို ထောက်ပံ့မှု တိုးမြှင့်ပေးရေး သုံးပွင့်ဆိုင်နာလည်မှုစာချွန်လွှာ(MoU) ကို ဇန်နဝါရီ ၁၅ ရက်မှာ ရေးထိုးကြပါတယ်။
သဘောတူညီချက်အရ အစိုးရရဲ့ Global Korea Scholarship ပညာသင်ဆုအစီအစဉ်ထဲမှာ အသစ်တည်ထောင် လိုက်တဲ့ ဒုက္ခသည်လမ်းကြောင်းကတစ်ဆင့် အပြည်ပြည်ဆိုင်ရာကျောင်းသားတွေအတွက် နှစ်စဉ် ဒုက္ခသည် ကျောင်းသား ၅ ယောက်အထိ ရွေးချယ်ပေးသွားမှာ ဖြစ်ပါတယ်။
