ရင်ဆိုင်ရမည့် ဖိအားများအတွက် ပြင်ဆင်ထားဟု မက်ဒီဆင်ကီးစ်ပြော
--------------------------
လာမယ့် ဩစတြေးလျအိုးပင်းပြိုင်ပွဲမှာ ချန်ပီယံဆုကို ကာကွယ်ရမယ့်သူတစ်ယောက်အနေနဲ့ ရင်ဆိုင်ရမယ့် ဖိအားတွေကို ကိုင်တွယ်နိုင်ဖို့ ပြင်ဆင်ထားတယ်လို့ အမေရိကန်တင်းနစ်မယ် မက်ဒီဆင်ကီးစ်က ပြောပါတယ်။ အသက် ၃၀ အရွယ် မက်ဒီဆင်ကီးစ်ဟာ နှစ်ကာလရှည် စောင့်ဆိုင်းခဲ့ရတဲ့ ပထမဆုံး ဂရင်းစလမ်ချန်ပီယံဆုကို ပြီးခဲ့တဲ့နှစ် ဩစတြေးလျအိုးပင်း ဗိုလ်လုပွဲမှာ ဆာဘာလန်ကာကို အနိုင်ယူပြီး ရယူနိုင်ခဲ့တာဖြစ်ပါတယ်။
အခုချိန်မှာ သူမရဲ့ ဦးစားပေးအလုပ်က ဩစတြေးလျအိုးပင်းအတွက် ကွင်းအတွင်းကို ဝင်ရောက်ချိန်မှာ တည် တည်ငြိမ်ငြိမ်ဖြစ်နေစေဖို့ကြိုးစားရမှာဖြစ်တယ်လို့ မက်ဒီဆင်ကီးစ်က ပြောပါတယ်။ ပြီးခဲ့တဲ့နှစ်မှာတော့ မက်ဒီ ဆင်ကီးစ် ဟာ ဩစတြေးလျအိုးပင်းချန်ပီယံဆုရပြီးနောက်ပိုင်း လက်စွမ်းတည်ငြိမ်မှု ပျောက်ဆုံးခဲ့သလို ပြင်သစ် အိုးပင်းမှာ ကွာတားဖိုင်နယ်၊ ဝင်ဘယ်ဒန်မှာ တတိယအဆင့်အထိသာ ရောက်ခဲ့ပြီး ယူအက်စ်အိုးပင်းမှာ ပထမ အဆင့် ကနေထွက်ခဲ့ရတာဖြစ်ပါတယ်။
အခုနှစ်မှာတော့ မက်ဒီဆင်ကီးစ်က ပြိုင်ပွဲတိုင်းမှာ တည်ငြိမ်တဲ့ လက်စွမ်းကို ပြသနိုင်ဖို့ ကြိုးစားသွားမှာဖြစ်ပြီး ဩစတြေးလျအိုးပင်း ချန်ပီယံဆုကို ဆက်ထိန်းဖို့က ပထမဆုံး လုပ်ရမယ့် အရာဖြစ်တယ်လို့ ပြောထားပါတယ်။ အခုနှစ် ဩစတြေးလျအိုးပင်းပြိုင်ပွဲကို လာမယ့် ဇန်နဝါရီ ၁၈ ရက်နေ့မှာ စတင်ယှဉ်ပြိုင်ကစားကြမှာဖြစ်ပါတယ်။
