ဗင်နီဇွဲလား အာဏာရှင် မာဒူရိုကို ရုံးထုတ်ပြီ
ရာထူးမှ ဖယ်ရှားခံလိုက်ရသည့် ဗင်နီဇွဲလား သမ္မတဟောင်း နီကိုးလပ်စ် မာဒူရိုကို ခေါ်ဆောင်လာသည့် ယာဉ်တန်းသည် နယူးယောက်မြို့ရှိ တရားရုံးသို့ ရောက်ရှိခဲ့ပြီ ဖြစ်သည်။
၎င်းသည် မူးယစ်ဆေးဝါးနှင့် လက်နက်မှုဆိုင်ရာ စွဲချက်များကို ယနေ့တွင် စတင် ရင်ဆိုင်ရမည် ဖြစ်သည်။
မာဒူရိုနှင့် ၎င်း၏ဇနီး စီလီယာ ဖလောရက်စ် တို့ကို တင်း ကျပ်သော လုံခြုံရေး အစောင့်အရှောက်များဖြင့် နယူးယောက်မြို့ရှိ ဖက်ဒရယ်တရားရုံးသို့ ခေါ်ဆောင်လာခြင်းဖြစ်သည်။
၎င်းသည် ဆယ်စုနှစ်များစွာအတွင်း အမေရိကန်မြေပေါ်၌ ဗင်နီဇွဲလားခေါင်း ဆောင်တစ်ဦး တရားရင်ဆိုင်ရသည့် ပထမဆုံးသော ဖြစ်ရပ်တစ်ခု ဖြစ်လာဖွယ်ရှိသည်။
၎င်းကို အမေရိကန်သို့ မူးယစ်ဆေးဝါးများ မှောင်ခိုရန် ကြံစည်မှု၊ နိုင်ငံတေ်ဘဏ္ဍာများ အလွဲသုံးစားလုပ်ခြင်းနှင့် ပတ်သက်သည့် စွဲချက်များ လက်နက်ကိုင် အဖွဲ့အစည်းများနှင့် ပူးပေါင်း၍ အမေရိကန်ကို အန္တရာယ်ပြုရန် ကြိုး ပမ်းမှုတို့ဖြင့် အမေရိကန် တရားရေးဌာနက အဓိက စွဲချက်တင်ခဲ့ခြင်း ဖြစ်သည်။
လက်ရှိ၌ တရားရုံးအပြင်ဘက်တွင် မာဒူရိုကို ထောက်ခံသူအချို့နှင့် ပြင်းပြင်းထန်ထန် ကန့်ကွက်ရှုတ်ချနေသည့် ဗင်နီဇွဲလား ပြည်ပရောက် နိုင်ငံသားများ စုဝေးနေကြသည်။
ဆန္ဒပြသူများက "ဗင်နီဇွဲလားအတွက် တရားမျှတမှု" ဟု ဟစ်ကြွေးကာ မာဒူရိုကို ပြင်းထန်သော ပြစ်ဒဏ်ပေးရန် တောင်းဆိုနေကြသည်။
မာဒူရိုအပေါ် အမေရိကန်အစိုးရက ဆုငွေ ဒေါ်လာ ၁၅ သန်း ထုတ်ပြန်ထားခဲ့ပြီးနောက် ယခုကဲ့သို့ တရားရုံးသို့ ရောက်ရှိလာခြင်းမှာ ကမ္ဘာ့သတင်းခေါင်းကြီးပိုင်းတွင် ထိပ်တန်းရောက်နေသည်။
ယနေ့တွင် ၎င်းအား အာမခံ ပေး၊ မပေး သို့မဟုတ် ဆက် လက် ချုပ်နှောင်ထားမည့် အခြေအနေကို ကနဦးကြားနာ သွားမည် ဖြစ်သည်။
