မလေးရှားရှိ ဖျော်ဖြေရေးစင်တာကို ဝင်ရောက်စစ်ဆေးစဉ် မြန်မာ ၂၀ ဖမ်းဆီးခံရ
မလေးရှားနိုင်ငံ Negeri Sembilan ပြည်နယ် နီလိုင်(NILAI)မြို့တွင် ဇန်နဝါရီ ၁ ရက် နံနက်ပိုင်းကမြန်မာနိုင်ငံသားများ ဖွင့်လှစ်ထားသည့် ဖျော်ဖြေရေးစင်တာကိုရဲတပ်ဖွဲ့က ဝင်ရောက်စစ်ဆေးခဲ့ပြီးမြန်မာ၂၀ ကို ဖမ်းဆီးခဲ့ကြောင်းမလေးရှားမီဒီယာများ၏ ဖော်ပြချက်အရ သိရသည်။
နီလိုင်မြို့ Taman Semarak 2ရှိ ဆိုင်ခန်းတစ်ခုကိုဖျော်ဖြေရေးစင်တာအဖြစ် တရားမဝင် ပြုပြင်မွမ်းမံ အသုံးပြုနေသည်ကိုစစ်ဆေးတွေ့ရှိခဲ့ပြီး ၎င်းနေရာသည်ယခင်ကလည်း တရားစွဲဆိုခြင်းနှင့် ချိပ်ပိတ် သိမ်းဆည်းခြင်း ပြုလုပ်ခဲ့သည့်နေရာဖြစ်ကြောင်း သိရသည်။
၎င်းဖျော်ဖြေရေးစင်တာတွင်အသက် (၂၀) မှ (၄၀) ကြားရှိ အမျိုးသမီး ၁၄ ဦး အပါအဝင် မြန်မာနိုင်ငံ
သား ၂၀ ကို ဖမ်းဆီးခဲ့ကြောင်း သိရသည်။
ဖျော်ဖြေရေးစင်တာအတွင်းမှအသံချဲ့စက်များ၊ လက်တော့ပ်များ၊တီဗွီများ၊ ဝိုင်ဖိုင်စက်များ၊ ကုမ္ပဏီ
တံဆိပ်တုံးများနှင့် ငွေသားရင်းဂစ်၆၆၀ အပါအဝင် လုပ်ငန်းသုံးပစ္စည်းအမျိုးမျိုးကိုလည်း သိမ်းဆည်းခဲ့ကြောင်း သိရသည်။
