(၇၈)နှစ်မြောက် လွတ်လပ်ရေးနေ့အထိမ်းအမှတ် ဇွဲကပင်တောင်အတက်/အဆင်းပြိုင်ပွဲတွင် ပြိုင်ပွဲဝင် (၁၈၂၃) ဦး ဝင်ရောက်ယှဉ်ပြိုင်
(၇၈) နှစ်မြောက် လွတ်လပ်ရေးနေ့အထိမ်းအမှတ် ဇွဲကပင်တောင်အတက်/အဆင်းပြိုင်ပွဲကို ဇန်နဝါရီလ ၁ ရက်နေ့ နံနက်ပိုင်းက ဘားအံမြို့၊ ဇွဲကပင်တောင်ခြေအရှေ့ဘက်ခြမ်း သစ်ချကျေးရွာ တံတားဖြူ၌ စတင်တာလွှတ်ယှဉ်ပြိုင်ခဲ့ရာ အမျိုးသား/အမျိုးသမီးပြိုင်ပွဲဝင် ၁၈၂၃ ဦး ဝင်ရောက်ယှဉ်ပြိုင်ခဲ့ကြောင်း သိရသည်။
အဆိုပါ ပြိုင်ပွဲကို အမျိုးသား/အမျိုးသမီး အသက် (၄၀) နှစ်အထက်ပြိုင်ပွဲနှင့် အသက် (၄၀) နှစ်အောက် ပြိုင်ပွဲဟူ၍ အမျိုးအစား (၄) မျိုးခွဲ၍ ယှဉ်ပြိုင်စေခဲ့ရာ ပြည်နယ်အစိုးရအဖွဲ့၊ လူမှုရေးရာဝန်ကြီး ဦးစောထွန်းအောင် ပြိုင်ပွဲများကို ေ-သနတ်ပ-စ်ဖေ-ာက် တာလွှတ်ပေးခဲ့သည်။
ကရင်ပြည်နယ်၏ အထင်ကရနေရာတစ်ခုဖြစ်သော လူတို့ပြုပြင်ဖန်တီးထားခြင်းမရှိသည့် ဇွဲကပင်တောင်၏ သဘာဝအလှအပများကိုသိရှိခံစားနိုင်စေရန်၊ ပြည်နယ်၏ခရီးသွားလုပ်ငန်းပိုမိုဖွံ့ဖြိုးတိုးတက်လာစေရန်၊ သဘာဝတောတောင်ရေမြေပတ်ဝန်းကျင်ကို ထိန်းသိမ်းမြတ်နိုးတတ်လာစေရန်၊ ခြေလျင်တောင်တက်အားကစားနည်းကို လူအများစိတ်ပါဝင်စားလာစေပြီး လေ့လာလိုက်စားခြင်းဖြင့် ပြည်နယ်သူ/ပြည်နယ်သားများနှင့် တစ်မျိုးသားလုံးကျန်းမာကြံ့ခိုင်လာစေရန် ရည်ရွယ်ကျင်းပခြင်းဖြစ်ကြောင်း သိရသည်။
ပြိုင်ပွဲဝင်များသည်တာလွှတ်သည့်နေရာမှနှစ်မိုင်ခန့်အကွာ ပင်လယ်ရေမျက်နှာပြင်အထက် ၂၃၇၂ ပေအမြင့်ရှိ မက်စောက်သော ဇွဲကပင်တောင်အားကျော်ဖြတ်၍ တောပုံကျေးရွာ လုမ္ဗိနီဥယျာဉ် အထက်တန်းကျောင်းရှေ့၌ ပြန်လည်ပန်းဝင်ခဲ့ကြသည်။
