သမ္မတကတော်ဟောင်း လာဘ်ယူခဲ့ကြောင်း တောင်ကိုရီးယားအထူးရှေ့နေ စွပ်စွဲ
သမ္မတဟောင်း ယွန်းဆွတ်ယိုး၏ ဇနီး သမ္မတကတော်ဟောင်း ကင်အွန်ဟီးသည် အဖိုးတန် ပစ္စည်းများနှင့် ငွေကြေးများကို တံစိုးလက်ဆောင်အဖြစ် လက်ခံ၍ နိုင်ငံ၏ အရေးအရာကိစ္စများတွင် ပါဝင်စွက်ဖက်ခဲ့ကြောင်းတောင်ကိုရီးယားအစိုးရ အထူးရှေ့နေက ဒီဇင်ဘာ ၂၉ရက်တွင် ပြောကြားလိုက်သည်။
သမ္မတဟောင်း ယွန်းဆွတ်ယိုး၏ စစ်အုပ်ချုပ်ရေးဥပဒေ ထုတ်ပြန်မှုပြဿနာနှင့် အခြားဆက်စပ်ပြဿနာများကို တစ်နှစ်ကြာ စုံစမ်းစစ်ဆေးမှုများ ပြုလုပ်ခဲ့ပြီးနောက် အစိုးရအထူးရှေ့နေ မင်ဂျန်ကီက သမ္မတကတော်ဟောင်း ကင်အွန်ဟီးကို တံစိုးလက်ဆောင်ရယူ၍ နိုင်ငံအရေး ကိစ္စများ၌
ကြားဝင်စွက်ဖက်ခဲ့ကြောင်း စွဲချက်တင်ခဲ့ခြင်းဖြစ်သည်။
လက်ရှိအချိန်တွင် တောင်ကိုရီးယားအာဏာပိုင်များသည် သမ္မတကတော်ဟောင်း ကင်အွန်ဟီးကို လာဘ်ပေးလာဘ်ယူမှုအပါအဝင် စွဲချက်အမျိုးမျိုးဖြင့် တရားစွဲဆိုထားပြီးဖမ်းဆီးထိန်းသိမ်းထားသည်။
သမ္မတကတော်ဟောင်း ကင်အွန်ဟီးကို ၎င်းကျူးလွန်ခဲ့သော ပြစ်မှုများအတွက် ထောင်ဒဏ် ၁၅ နှစ်
ချမှန်ရန် အစိုးရရှေ့နေများက ယခုလအစောပိုင်းတွင် ဆုံးဖြတ်မည်ဖြစ်သည်။
သမ္မတကတော်ဟောင်း အပေါ်စွဲဆိုထားသော စွဲချက်များကို အောက်တရားရုံးတစ်ရုံးက လာမည့်နှစ် ဇန်နဝါရီ ၂၈ ရက်တွင် စီရင်ချက် ချမှတ်ဖွယ်ရှိသည်။
အစိုးရရှေ့နေများ၏ စွဲချက်များကို သမ္မတကတော်ဟောင်း ကင်အွန်ဟီးက ငြင်းဆိုထားပြီး ၎င်းအနေ
ဖြင့် မည်သည့်အမှားမျှ ကျူးလွန်ထားခြင်းမရှိကြောင်း ပြောကြားထားသည်။
