ဂျာမနီရှိ ဘဏ်တစ်ခုကို ဟောလိဝုဒ်ရုပ်ရှင်ကားဆန်ဆန် ဖောက်ထွင်းပြီး ဒေါ်လာ ၃၅ သန်းခိုးယူ
အနောက်ဂျာမနီရှိ အဓိကလမ်းမကြီးပေါ်ရှိ ဘဏ်ခွဲတခုကနေ ငွေသားနဲ့ အဖိုးတန်ပစ္စည်းတွေို့ ဖောက်ထွင်းဝင်ရယူဖို့အတွက် လူတစုဟာ ကြီးမားတဲ့ မြေတူးစက်တခုကို အသုံးပြုခဲ့ပြီး ခန့်မှန်းခြေအားဖြင့် ဒေါ်လာ ၃၅ သန်း တန်ဖိုးရှိ ငွေသားနဲ့ အဖိုးတန်ပစ္စည်းတွေကို ခိုးယူသွားကြောင်း ရဲတပ်ဖွဲ့က ပြောပါတယ်။
ရဲတပ်ဖွဲ့ပြောရေးဆိုခွင့်ရှိသူတယောက်ကတော့ ဒီလိုဖောက်ထွင်းဝင်ရောက်မှုကို ဟောလိဝုဒ်ဇာတ်ကား Ocean's Eleven နဲ့ နှိုင်းယှဉ်ခဲ့ပြီး အလွန်ပရော်ဖက်ရှင်နယ်ကျကျ လုပ်ဆောင်ခဲ့ကြတယ်လို့ ဆိုပါတယ်။ လက်ရှိမှာတော့ ပြစ်မှုကျူးလွန်သူတွေကို ဖမ်းဆီးရမိခြင်းမရှိသေးပါဘူး။
ဂျယ်လ်ဆန်ကီယာချန်မြို့ရှိ Sparkasse ငွေစုဘဏ်မှာ သူခိုးတွေဟာ ငွေ၊ ရွှေနဲ့ လက်ဝတ်ရတနာတွေပါရှိတဲ့ သေတ္တာ ၃၀၀၀ ကျော်ကို ဖောက်ထွင်းဝင်ရောက် ရယူခဲ့ကြပါတယ်။ တနင်္လာနေ့နံနက်အစောပိုင်းမှာ မီးအချက်ပေးသံ မြည်ပြီးနောက် ဂျယ်လ်ဆန်ကီယာချန်ရဲတပ်ဖွဲ့က ရာဇဝတ်မှုကို သိရှိခဲ့ကြောင်း ပြောပါတယ်။
ကနဦးစုံစမ်းစစ်ဆေးမှုတွေအရ ဖောက်ထွင်းသူတွေဟာ ဘဏ်ထဲသို့ ဝင်ရောက်နိုင်ခဲ့ပြီး အနီးနားရှိ ကားပါကင်တခုမှ တဆင့် ထွက်ပြေးသွားခဲ့တယ်လို့ ရဲတပ်ဖွဲ့က ဆိုပါတယ်။ မျက်မြင်သက်သေတွေရဲ့ အဆိုအရ အဲဒီနေ့ညမှာ ကားဂိုဒေါင်ရဲ့ လှေကားမှာ အိတ်ကြီးတွေကို သယ်ဆောင်လာတဲ့ အမျိုးသားများစွာကို မြင်တွေ့ခဲ့ရတယ်လို့ ပြောပါတယ်။
ဗီဒီယိုမှတ်တမ်းတွေအရ တနင်္လာနေ့နံနက်အစောပိုင်းတွင် De-La-Chevallerie-Strasse လမ်းရှိ ကားဂိုဒေါင်မှ အနက်ရောင် Audi RS 6 ကားတစီး ထွက်ခွာသွားတယ်လို့ ရဲတပ်ဖွဲ့က ပြောပါတာ်. တနင်္လာနေ့အစောပိုင်းမှာ မီးအချက်ပေးသံ မြည်လာချိန်မှာတော့ မြေအောက်ခန်းရှိ အပေါက်ကို တွေ့ရှိခဲ့တာပါ။
ဘဏ်ဖောက်တွေကတော့ Sparkasse ဘဏ်ရဲ့ hotline ကို ဆက်သွယ်ဖို့ ကြိုးစားနေကြပြီး ဖောက်သည်အများအပြားဟာ ဘဏ်အပြင်ဘက်မှာ သတင်းအချက်အလက်တွေရဖို့ အင်္ဂါနေ့က စောင့်ဆိုင်းနေခဲ့ကြပြီး ရဲတပ်ဖွဲ့က ဘဏ်ဝင်ပေါက်ကို ပိတ်ဆို့ထားပါတယ်။
"မနေ့ညက ကျွန်တော် အိပ်မပျော်ဘူး။ ဘာသတင်းအချက်အလက်မှ မရခဲ့ဘူး" လို့ ဖေက်သည်အမျိုးသားတယောက်က ဆိုပါတယ်။ ဘဏ်ခွဲမှာအပ်နှံထားမှုတွေထဲ သက်ကြီးရွယ်အိုတွေအတွက် ငွေစုငွေချေးတွေလည်း ပါဝင်တယ်လို့ သူက ပြောပါတယ်။
