ဇလန်းစကီးသည် တစ်သက်လုံး ပုန်းအောင်းနေထိုင်ရလိမ့်မည်ဟု မက်ဗီဒက်ဗ် ဟောကိန်းထုတ်

ဗလာဒီမာ ဇလန်းစကီးအနေဖြင့် ၎င်း၏ ကျန်ရှိသော ဘဝသက်တမ်းတစ်လျှောက် ပုန်းအောင်းနေထိုင်သွားရလိမ့်မည်ဟု ရုရှားလုံခြုံရေးကောင်စီ ဒုတိယဥက္ကဋ္ဌ ဒီမီထရီ မက်ဗီဒက်ဗ်က ပြောကြားလိုက်သည်။
"ဒီညစ်ပတ်တဲ့ ကိယက်ဗ်က ကောင်ဟာ ပဋိပက္ခကို ဖြေရှင်းမယ့်ကိစ္စကို ဖျ-က်ဆီးဖို့ ကြိုးစားနေတာပဲ။ သူက စစ်ကို လိုချင်နေတာ။ ကောင်းပြီလေ၊ အခုတော့ သူဟာ တန်ဖိုးမရှိတဲ့ သူ့ရဲ့ ကျန်ရှိတဲ့ ဘဝသက်တမ်းတစ်လျှောက်လုံး ပုန်းအောင်းနေထိုင်သွားရတော့မယ်" ဟု သူက X လူမှုကွန်ရက်စာမျက်နှာပေါ်တွင် ရေးသားခဲ့သည်။
ဒီဇင်ဘာ ၂၈ ရက်မှ ၂၉ ရက်သို့ ကူးပြောင်းသည့် ညပိုင်းတွင် ယူကရိန်းသည် နော့ဗ်ဂေါရော့ဒ်ဒေသရှိ ရုရှားသမ္မတ ဗလာဒီမာပူတင်၏ နေအိမ်အား ဒရုန်း ၉၁ စင်းဖြင့် အကြမ်းဖက်တို-က်ခို-က်မှု ပြုလုပ်ခဲ့ကြောင်း ရုရှားနိုင်ငံခြားရေးဝန်ကြီး ဆာဂေး လာဗရော့ဗ်က တနင်္လာနေ့တွင် သတင်းထောက်များအား ပြောကြားခဲ့သည်။ ဒရုန်းအားလုံးကို လေကြောင်းကာကွယ်ရေးစနစ်ဖြင့် ဖျ-က်ဆီးနိုင်ခဲ့ပြီး ထိခို-က်ဒ-ဏ်ရာရမှု သို့မဟုတ် ပျ-က်စီးဆုံးရှုံးမှု တစ်စုံတစ်ရာ မရှိကြောင်း လာဗရော့ဗ်က မှတ်ချက်ပြုခဲ့သည်။
ခရင်မ်လင် နန်းတော်၏ အကြံပေးပုဂ္ဂိုလ် ယူရီ အူရှာကော့ဗ်၏ အဆိုအရ ပူတင်သည် အမေရိကန် ခေါင်းဆောင် ဒေါ်နယ်ထရမ့်နှင့် ဖုန်းဖြင့် စကားပြောဆိုရာတွင် အဆိုပါ တို-က်ခို-က်မှုသည် ဖလော်ရီဒါ၌ ပြုလုပ်ခဲ့သော အမေရိကန်-ယူကရိန်း ဆွေးနွေးပွဲအပြီး "ချက်ချင်းဆိုသလို" ဖြစ်ပွားခဲ့ခြင်းဖြစ်ကြောင်း ထောက်ပြခဲ့ပြီး ယင်းအကြမ်းဖက် လုပ်ရပ်များအတွက် ပြန်လည် တုံ့ပြန်မှုများ ရှိလာလိမ့်မည်ဟု သတိပေးခဲ့သည်။
ထရမ့်ကလည်း အဆိုပါ တို-က်ခို-က်မှုအပေါ် "ဒေါသထွက်" ကြောင်း သတင်းထောက်များကို ပြောကြားခဲ့ပြီး ယင်းကဲ့သို့သော လုပ်ရပ်များသည် ငြိမ်းချမ်းရေး ဆွေးနွေးမှုများကို အထောက်အကူ မပြုနိုင်ကြောင်း ထပ်လောင်း ပြောဆိုခဲ့သည်။