မိုးလင်းပေါက် အဖော်အချွတ်ကလပ်တွင် အပျော်ကျူးပြီးနောက် အဲဗာတန်ရဲ့ပွဲကို လွဲချော်လာတဲ့ ဂျက်ဂရဲလ်လစ်ရှ်
=====================
ဂျက်ဂရဲလ်လစ်ရှ်ဟာ ခရစ္စမတ်ပါတီပွဲတွင် အပျော်ကျူးတဲ့ သတင်းထွက်ပေါ်လာပြီးနောက် စနေနေ့ည Turf Moor ပွဲစဉ်တွင် အဲဗာတန်အသင်းလူစာရင်းမှာ ပါဝင်လာခြင်း မရှိပါဘူး။
အင်္ဂလန်စတားဟာ ခရစ္စမတ်မတိုင်မီ ခရစ္စမတ်အကြိုပါတီပွဲအဖြစ် လန်ဒန်သို့ သွားရောက်ကာ သူငယ်ချင်းများနှင့် မနက် ၄ နာရီအထိ အဖော်အချွတ်ကလပ်တွင် အပျော်ကျူးခဲ့တာလည်း ဖြစ်ပါတယ်။
သူဟာ ဒီဇင်ဘာလ ၂၁ ရက်နေ့တုန်းက လန်ဒန်တွင် ပျော်ပါးခဲ့တာပါ။
ဒါပေမယ့် သူဟာ ခရစ္စမတ်အကြိုပါတီပွဲနှောင်းပိုင်းတွင် နေထိုင်မကောင်းဖြစ်လာကာ ဘန်လေနှင့်ပွဲစဉ်ကို လွဲချော်လာပါတယ်။
အဲဗာတန်နည်းပြဒေးဗစ်မိုယက်စ်က "သူ ဗိုင်းရပ်စ်အနည်းငယ်ထိထားတယ်။ ခရစ္စမတ်တုန်းကလည်း နေမကောင်းဘူး။ ဒီတော့ ဒီနေ့မပါဘူး"လို့ ပြောကြားသွားပါတယ်။
ဂျက်ဂရဲလ်လစ်ရှ်ဟာ ခရစ္စမတ်မတိုင်မီ လန်ဒန်သို့ သွားရောက်စဉ် ဘန်လေနောက်ခံလူကိုင်လီဝေါလ်ကားနှင့် စားသောက်ဆိုင်တစ်ခုတွင် တွေ့ဆုံစားသောက်ပြီးနောက် လမ်းခွဲကာ အဖော်အချွတ်ကလပ်သို့ သွားခဲ့တာလည်း ဖြစ်ပါတယ်။
