အသက် ၄၁ နှစ်အရွယ်တွင် ချန်ပီယံလိဂ်ချန်ပီယံ ၂ ကြိမ်ရ အသင်းသို့ ပြောင်းပြီး ဥရောပတွင် ပြန်လည်ခြေချလာတဲ့ တီယာဂိုဆေးလ်ဗား
======================
တီယာဂိုဆေးလ်ဗားဟာ အသက် ၄၁ နှစ်အရွယ်တွင် အံ့ဩသင့်ဖွယ် ပေါ်တိုသို့ ပြောင်းရွှေ့လာတော့မှာ ဖြစ်ပါတယ်။
ဆေးလ်ဗားဟာ ဘရာဇီးကလပ်ဖလာမင်ဂိုတွင် နှစ်ရာသီကြာ ကစားပြီးနောက် ဥရောပတွင် ပြန်လည်ခြေချလာမှာလည်း ဖြစ်ပါတယ်။
သူဟာ ချဲလ်ဆီးတွင် လေးနှစ်ကြာ ကစားစဉ်အတွင်း ချန်ပီယံလိဂ်ဖလား၊ ဥရောပစူပါဖလား၊ ကလပ်ကမ္ဘာ့ဖလားတို့ ဆွတ်ခူးပြီးနောက် ဖလာမင်ဂိုသို့ ပြောင်းခဲ့တာလည်း ဖြစ်ပါတယ်။
ဘရာဇီးလက်ရွေးစင်ကစားသမားဟာ ဖလာမင်ဂိုတွင် နှစ်ရာသီကြာ ကစားပြီးနောက် ပေါ်တိုသို့ အလွတ်ပြောင်းရွှေ့ကြေးဖြင့် ပြောင်းရွှေ့လာတာပါတယ်။
တီယာဂိုဆေးလ်ဗားဟာ လွန်ခဲ့တဲ့ နှစ်နှစ်ဆယ်ခန့်တုန်းက စွန့်ခွာခဲ့တဲ့ ပေါ်တူဂီထိပ်သီး ပေါ်တိုသို့ ပြန်လည်ခြေချလာတာပါ။
ဝါရင့်နောက်ခံလူဟာ ပေါ်တိုတွင် ကစားခဲ့တဲ့ဆိုပေမယ့်လည်း ပေါ်တို(ခ)အသင်းမှာသာ ကစားခွင့်ရခဲ့တာပါ။
ယခုအခါမှာတော့ သူဟာ ပေါ်တိုတွင် ယခုရာသီအကုန်အထိ ဆက်ရှိနေမယ့် စာချုပ်ဖြင့် ပြောင်းရွှေ့လာပြီ ဖြစ်ပါတယ်။
ဆေးလ်ဗားဟာ ၂၀၀၉ ခုနှစ်တွင် ပေါ်တိုကို စွန့်ခွာကာ အေစီမီလန်သို့ ပြောင်းရွှေ့ပြီးနောက် ထိပ်တန်းကစားသမားတစ်ဦးဖြစ်လာခဲ့သူလည်း ဖြစ်ပါတယ်။
သူဟာ မီလန်အတွက် ၁၁၉ ပွဲကစားခဲ့ရာမှာ ၆ ဂိုးသွင်းပြီး ၂ ကြိမ်ဖန်တီးပေးခဲ့ပြီးနောက် ၂၀၁၂ ခုနှစ်တွင် ပီအက်စ်ဂျီသို့ ပြောင်းခဲ့ပါတယ်။
သူဟာ ပီအက်စ်ဂျီအတွက် ပြိုင်ပွဲအရပ်ရပ်တွင် ၃၁၅ ပွဲကစားခဲ့ရာမှာ ၁၇ ဂိုးသွင်းပြီး ၇ ကြိမ် ဖန်တီးခဲ့ကာ ပြည်တွင်းဆုဖလားအမြောက်အမြားဆွတ်ခူးခဲ့ပါတယ်။
သူဟာ ချဲလ်ဆီးတွင် လေးရာသီကစားစဉ်အတွင်း ၁၅၅ ပွဲကစားခဲ့ကာ ၉ ဂိုးသွင်းပြီး ၅ ကြိမ် ဖန်တီးခဲ့ပါတယ်။
