မြို့သောက်သုံးရေတိုးချဲ့ပေးဝေနိုင်မည် ဆင်လမ်း(၂)ရေလှောင်တမံစီမံကိန်းနှင့် ပင်တီးရေလှောင်တမံ စီမံကိန်းဆောင်ရွက်နေ
ပြင်ဦးလွင်မြို့နယ် ဆင်ဖြူအင်းကျေးရွာအနီး ဆင်ဖြူချောင်းပေါ်တွင် ဆင်လမ်း(၂)ရေလှောင်တမံ နှင့် ပင်တီးကျေးရွာအနီး သဗြိုက်ချောင်းပေါ်ရှိ ပင်တီးရေလှောင်တမံ တည်ဆောက်နိုင်ရန် လျာထားနေရာများကို လုပ်ဆောင်နေကြောင်း သိရသည်။
အဆိုပါ စီမံကိန်းလုပ်ဆောင်မည်နေရာကို ယမန်နေ့က စိုက်ပျိုးရေး၊ မွေးမြူရေး နှင့်ဆည်မြောင်းဝန်ကြီးဌာန ဒုတိယဝန်ကြီး ဦးဗိုလ်ဗိုလ်ကျော်နှင့် တာဝန်ရှိသူများကလည်း ကွင်းဆင်းစစ်ဆေးခဲ့ကြောင်း သိရသည်။
ဆင်လမ်း(၂)ရေလှောင်တမံနှင့် ပင်တီးရေလှောင်တမံ စီမံကိန်းဆောင်ရွက်ပြီးပါက မြို့သောက်သုံးရေတိုးချဲ့ပေးဝေနိုင်မည်အပြင် ချောင်းဘေး ဝဲယာတစ်လျှောက်ရှိ စိုက်ပျိုးမြေ ဧရိယာများအတွက် စိုက်ပျိုးရေး ကူဖြည့်တင်းပေးဝေနိုင်မည်ဖြစ်ခြင်းကြောင့် ဒေသဝမ်းစာဖူလုံရေးအတွက်များစွာ အထောက်အကူပြုစေနိုင်မည်ဖြစ်ကြောင်းလည်း သိရသည်။
ထို့ပြင် ယခု သိုလှောင်ပမာဏ ၇၂၁၇ ဧကပေရှိသဖြင့် သိုလှောင်ပမဏ ထက် ၃၇၁ ဧကပေ ပိုမိုသိုလှောင်ထားသောကြောင့် ရေပိုမိုတိုးချဲ့ပေးဝေနိုင်ရန်လည်း အသင့်ရှိနေပြီးဖြစ်ကြောင်း သိရသည်။
