ခရစ္စတီယာနိုရော်နယ်ဒိုရဲ့ စံချိန်ကို လိုက်မီရန် တစ်ဂိုးတည်းသာလိုတော့တဲ့ ကိုင်လီယန်ဘက်ပေး
=================
ကိုင်လီယန်ဘက်ပေးဟာ မနေ့ညတုန်းက တာလာဗီရာကို အနိုင်ရတဲ့ ရီးရဲလ်မက်ဒရစ်ရဲ့ ကိုပါဒယ်ရေးပွဲစဉ်တွင် ၂ ဂိုးသွင်းပြီးနောက် ခရစ္စတီယာနိုရော်နယ်ဒိုရဲ့ တစ်နှစ်အတွင်း ရီးရဲလ်မက်ဒရစ်အတွက် ဂိုးအများဆုံးသွင်းယူထားတဲ့ စံချိန်ကို လိုက်မီရန် တစ်ဂိုးတည်းသာ လိုပါတော့တယ်။
အသက် ၂၆ နှစ်ရှိ ပြင်သစ်အသင်းခေါင်းဆောင်ဟာ တာလာဗီရာနှင့်ပွဲစဉ်တွင် ၂၀၂၅ ခုနှစ်အတွင်း ရီးရဲလ်မက်ဒရစ်အတွက် ၅၇ ဂိုးနှင့် ၅၈ ဂိုးမြောက်ဂိုးတို့အား သွင်းယူခဲ့ပါတယ်။
ခရစ္စတီယာနိုရော်နယ်ဒိုဟာ ၂၀၁၃ ခုနှစ်တုန်းက ရီးရဲလ်မက်ဒရစ်အတွက် တစ်နှစ်တည်းတွင် ၅၉ ဂိုးသွင်းယူကာ ကလပ်သမိုင်းတွင် တစ်နှစ်တည်းတွင် ဂိုးအများဆုံးသွင်းယူထားသူစံချိန်အား ရေးထိုးထားပါတယ်။
ဒါကြောင့်လည်း ယခုအခါ ပီအက်စ်ဂျီစူပါစတားဟောင်းဟာ ခရစ္စတီယာနိုရော်နယ်ဒိုရဲ့ စံချိန်ကို လိုက်မီရန် တစ်ဂိုးတည်းသာ လိုတောပြီ ဖြစ်ပါတယ်။
ဘက်ပေးအနေဖြင့် စနေနေ့တွင် ဆီဗီလာနှင့်ကစားရမယ့် လာလီဂါပွဲစဉ်မှာ ခရစ္စတီယာနိုရော်နယ်ဒိုရဲ့စံချိန်ကို လိုက်မီနိုင်မယ့် အခွင့်အရေး ရရှိထားပါတယ်။
ရီးရဲလ်မက်ဒရစ်ဟာ တာလာဗီရာအား အနိုင်ရရှိပြီးနောက် ခက်ခဲတဲ့ ရက်သတ္တပတ်များ ကြုံခဲ့ရပြီးနောက် နောက်ဆုံး ၅ ပွဲတွင် ၃ ပွဲမြောက် နိုင်ပွဲ ရယူနိုင်ခဲ့ပါတယ်။
