ဥရောပခေါင်းဆောင်များက ယူကရိန်းငြိမ်းချမ်းရေးအတွက် နိုင်ငံစုံပါဝင်သောတပ်ဖွဲ့ကို အဆိုပြုလိုက်ပြီး ယင်းငြိမ်းချမ်းရေးကို အမေရိကန်ပြည်ထောင်စုက ပံ့ပိုးပေးရန် တိုက်တွန်း
အလားအလာရှိသော ယူကရိန်းငြိမ်း ချမ်းရေးသဘောတူညီချက်အသက်ဝင်လာ စေရန် အမေရိကန်၏ပံ့ပိုးမှုနှင့်အတူ ဥရောပ ဦးဆောင်သော နိုင်ငံစုံတပ်ဖွဲ့ကို ဥရောပ ခေါင်းဆောင်များက ဒီဇင်ဘာ ၁၅ ရက်တွင် အဆိုပြုလိုက်သည်ဟု ပူးတွဲထုတ်ပြန်ချက် အရ သိရသည်။
“ နိုုင်ငံစုံတပ်ဖွဲ့ဟာ အမေရိကန်ပြည် ထောင်စုနဲ့ ဥရောပအင်အားကြီးနိုင်ငံတွေကနေ ယူကရိန်းအတွက် ခိုင်မာတဲ လုံခြုံရေး အာမခံချက် အစိတ်အပိုင်းဖြစ်ရပါလိမ့်မယ်။ အဲဒါဟာ စစ်ပွဲပြီးဆုံးစေဖို့ သဘောတူညီချက် ကို ရုရှားက မချိုးဖောက်ပါဘူးဆိုတဲ့ အာမခံ ချက်ကိုပေးဖို့လည်း ရည်ရွယ်ပါတယ်”ဟု ထုတ်ပြန်ချက်တွင် ဖော်ပြထားသည်။
ဗြိတိန်၊ ပြင်သစ်၊ ဂျာမနီတို့၏ခေါင်းဆောင်များက လက်မှတ်ရေးထိုးထားသော ထုတ်ပြန်ချက်ကို ဘာလင်၌ ယူကရိန်းသမ္မတ နှင့် ယင်းခေါင်းဆောင်များ တွေ့ဆုံချိန်တွင် ထုတ်ပြန်ပေးခဲ့ခြင်းဖြစ်သည်။
ငြိမ်းချမ်းရေးအဆိုပြုချက်တွင် ပါဝင် မည့်အချက်များကို ဥရောပခေါင်းဆောင်တစ် ဒါဇင်နှင့် အမေရိကန်တာဝန်ရှိသူများ ဆွေးနွေးရာတွင် ရရှိခဲ့သော အခြားသဘောတူညီချက်များကိုလည်း ဖော်ပြထားသည်။
ယူကရိန်းစစ်တပ်သည် များပြားသော အကူအညီများကို ဆက်လက် လက်ခံရရှိသင့် ပြီး စစ်သည်အင်အား ၈၀၀,၀၀၀ ဖြင့် ငြိမ်းချမ်းရေးကာလကို ထိန်းထားသင့်သည်ဟု ထုတ်ပြန်ချက်တွင် ဆက်လက်ဖော်ပြထား သည်။
ငြိမ်းချမ်းရေးကို အမေရိကန်ဦးဆောင် သော အပစ်အခတ်ရပ်စဲမှု စောင့်ကြည့်ရေးအဖွဲ့နှင့် အတည်ပြုစစ်ဆေးရေးယန္တရားတို့က ထိန်းသိမ်းထားရလိမ့်မည်ဖြစ်ကာ ငြိမ်းချမ်း ရေးချိုးဖောက်မှုများကိုလည်းကောင်း၊ နောင်တွင် တိုက်ခိုက်လာနိုင်သမျှတို့ကို စောစော သတိပေးခြင်းဖြင့်လည်းကောင်း လုပ်ဆောင်ပေးရမည်ဟု ထုတ်ပြန်ချက်က ဆိုသည်။
