နယ်စပ်တို-က်ပွဲများပြင်းထန်လာသောကြောင့် ကမ်းရိုးတန်းတလျှောက်ကို ထိုင်းက ကာဖျူးထုတ်
ကမ္ဘောဒီးယားနှင့် နယ်စပ်ဒေသအငြင်းပွားမှဖြစ်ပေါ်ခဲ့သော တို-က်ပွဲသည် ကမ်းရိုးတန်းဒေသများအထိ ပျံ့နှံ့လာ၍ တနင်္ဂနွေနေ့တွင် ထိုင်းနိုင်ငံက ၎င်း၏ အရှေ့တောင်ပိုင်း ထရတ်ပြည်နယ်တွင် နေဝင်မီးငြိမ်း ကာဖျူးအမိန့်ထုတ်လိုက်သည်။
မေလအတွင်းက ကမ္ဘောဒီးယားစစ်သားတစ်ဦးသည် ပ-စ်ခတ်မှုတွင် ေ-သဆုံးခဲ့ပြီးနောက်မှစကာ အရှေ့တောင်အာရှ အိမ်နီးချင်းနှစ်နိုင်ငံသည် ယခုနှစ်အတွင်း လက်နက်ကိုင်ဖြေရှင်းရန် အကြိမ်ကြိမ်ကြိုးစားခဲ့ကြကာ ပဋိပက္ခကို ပြန်လည်စတင်ခဲ့ပြီး နယ်စပ်နှစ်ဖက်စလုံးရှိ လူထောင်ပေါင်းများစွာကို စစ်ဘေးရှောင်ရစေခဲ့သည်။
စနေနေ့တွင် ကမ္ဘောဒီးယားဘက်က အပ-စ်အခတ်ရပ်စဲရေးကို လမ်းဖွင့်ထားကြောင်းကို ထပ်လောင်းပြောကြားခဲ့ပြီးနောက် ပဋိပက္ခများသည် အဆက်မပြတ်ဖြစ်ပွားခဲ့ကြောင်း ထိုင်းကာကွယ်ရေးဝန်ကြီးဌာန ပြောရေးဆိုခွင့်ရှိသူ ရေတပ်ဗိုလ်ချုပ် ဆူရာဆန့် ကွန်စီရီက ကာဖျူးအမိန့်ကို ကြေညာပြီးနောက် ဘန်ကောက်တွင်ပြုလုပ်သော သတင်းစာရှင်းလင်းပွဲတွင် ပြောကြားခဲ့သည်။
“ထိုင်းနိုင်ငံသည် သံတမန်ရေးအရ ဖြေရှင်းမှုအတွက် လမ်းဖွင့်ထားသော်လည်း ကမ္ဘောဒီးယားအနေဖြင့် မညှိနှိုင်းမီတွင် ရန်လိုမှုကို ဦးစွာရပ်တန့်ရမည်ဖြစ်သည်” ဟု ၎င်းက ပြောကြားခဲ့သည်။
ကမ္ဘောဒီးယားက ဒေသတွင်းသို့ လက်နက်ကြီးများနှင့် အခြားပစ္စည်းကိရိယာများပေးပို့ရာတွင် အသုံးပြုနေသည့် တံတားတစ်စင်းကို ထိုင်းတပ်ဖွဲ့များက ဖျ-က်ဆီးခဲ့ကြောင်းနှင့် ကမ္ဘောဒီးယား၏ ကမ်းရိုးတန်း ကော့ကောင်ပြည်နယ်တွင် ကြိုတင်နေရာယူထားသည့် အမြောက်တပ်များကို ပ-စ်မှတ်ထားသည့် စစ်ဆင်ရေးဆောင်ရွက်ခဲ့ကြောင်း ထိုင်းစစ်တပ်က စနေနေ့တွင် ပြောကြားခဲ့သည်။
ထိုင်းသည် အရပ်ဖက်အခြေခံအဆောက်အဦးများကို တို-က်ခိုက်ခဲ့ကြောင်း ကမ္ဘောဒီးယားက စွပ်စွဲခဲ့သည်။
ထိုင်း၏ ကာဖျူးအမိန့်သည် ကော့ကောင်နှင့် ထိစပ်နေသော ထရတ်ပြည်နယ်ရှိ ကော့ချန်းနှင့် ကော့ကွတ်ခရီသွားကျွန်းများမှလွဲလျှင် ခရိုင်ငါးခုတွင် အကျူံးဝင်သည်။ ထိုင်းစစ်တပ်သည် အရှေ့ပိုင်း ဆာကာအိုပြည်နယ်တွင် ယခင်ကတည်းက ကာဖျူးချမှတ်ထားခဲ့ပြီး ယခုတိုင် ကာဖျူးသည် အာဏာတည်ဆဲဖြစ်သည်။
