ပြည်တွင်း၌တရားမဝင်နေထိုင်သူတစ်ဦးနှင့် တရားခံပြေးသုံးဦးကိုထိုင်းနိုင်ငံပြန်ပို့
ပြည်တွင်း၌တရားမဝင်နေထိုင်နေသည့်ထိုင်းနိုင်ငံသားတစ်ဦးနှင့် မူးယစ်ဆေးဝါးမှုဖြင့် တိမ်းရှောင်နေသည့်တရားခံပြေးသုံးဦးကိုဖမ်းဆီးပြီး ထိုင်းနိုင်ငံသို့ပြန်ပို့ခဲ့ကြောင်း ပြန်ကြားရေးဝန်ကြီးဌာနက ယနေ့(ဒီဇင်ဘာ ၁၂ ရက်)တွင်ထုတ်ပြန် သည်။
ဖမ်းဆီးရမိသူများမှာ ထိုင်းနိုင်ငံမှမူးယစ်အမှုဖြင့်အလိုရှိသည့် တရားခံပြေးသုံးဦးနှင့် တရားမဝင် ဝင်ရောက်နေထိုင်သည့် ထိုင်းနိုင်ငံသားတစ်ဦးတို့ဖြစ်ကြောင်း၊ ထိုင်းနိုင်ငံမူးယစ်ဆေးဝါး ထိန်းချုပ်ရေး အဖွဲ့(ONC သည် မြန်မာနိုင်ငံမူးယစ်တားဆီးကာကွယ်ရေးဗဟိုအဖွဲ့ (CCDAC)ထံသို့ ထိုင်းနိုင်ငံ အတွင်း မူးယစ်ပြစ်မှုများကျူးလွန်ပြီး မြန်မာနိုင်ငံဘက်သို့ ထွက်ပြေးတိမ်းရှောင်နေသည့် Mr. Phonchana Phongthong(2) Toon (o ( Mrs. Tharuda Puangngenio) Ning (ထနိဒါးဖုံးငင်း (ခ) နန်း) နှင့် Mr. Wi Rat Jagu Dem(ဝီလတ်ထောင်းဗုဒွမ်)တို့ သုံးဦးကို ဖမ်းဆီးပေးရန် သတင်းပို့ခဲ့ကြောင်း သိရသည်။
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့နှင့် ရှမ်းပြည်နယ်ရဲတပ်ဖွဲ့တို့မှ တပ်ဖွဲ့ဝင်များပါဝင်သော ပူးပေါင်းအဖွဲ့မှစုံစမ်းဖော်ထုတ်ခဲ့ရာ (နိုဝင်ဘာ ၁၃ ရက်) တွင် တာချီလိတ်မြို့၊ ကျောက်ရပ်ကွက်၌ Mr. Phonchana Phongthongla) Toon & Mrs. Thanida Puangngern (ခ) Ning တို့ကိုဖမ်းဆီးရမိခဲ့ပြီး နိုဝင်ဘာ ၁၄ ရက်တွင် မိုင်းတုံမြို့နားကောင်းမူကျေးရွာ၌ Mr. Wi Rat Taou Dom အားထပ်မံဖမ်းဆီးရမိခဲ့ခြင်းဖြစ်သည်။
အဆိုပါသုံးဦးနှင့်အတူ ပြီးခဲ့သည့်စက်တင်ဘာ ၁၆ ရက်တွင် တာချီလိတ်မြို့ရန်အောင်မြေရပ်ကွက်တွင် ဖမ်းဆီးရမိခဲ့သည့် တရားမဝင် ဝင်ရောက်နေထိုင်သူထိုင်းနိုင်ငံသား Mr. Chaint Phucharoen ကိုလည်း နှစ်နိုင်ငံတည်ဆဲဥပဒေလုပ်ထုံးလုပ်နည်းများနှင့်အညီ မြန်မာ-ထိုင်း နှစ်နိုင်ငံ မူးယစ်ဆေးဝါးပူးပေါင်း ထိန်းချုပ်ရေးနားလည်မှုစာချွန်လွှာအရ ယမန်နေ့(ဒီဇင်ဘာ ၁၁ ရက်)နံနက်ပိုင်းတွင် မြန်မာ-ထိုင်း ချစ်ကြည်ရေးတံတားအမှတ်(၂)၌ လွှဲပြောင်းပေးခဲ့ကြောင်း ထုတ်ပြန်ချက်အရသိရသည်။
နှစ်နိုင်ငံမူးယစ်ဆေးဝါးပူးပေါင်းထိန်းချုပ်ရေးအစီအစဉ်အရ မူးယစ်ဆေးဝါးပြစ်မှုကျူးလွန်ပြီး တစ်ဖက် နိုင်ငံသို့ ထွက်ပြေးတိမ်းရှောင်ကာ နယ်စပ်ဖြတ်ကျော်မူးယစ်မှုခင်းများ ထပ်မံကျူးလွန်နေသည့်တရားခံ ပြေးများကို အပြန်အလှန်ဖော်ထုတ်ဖမ်းဆီးလွှဲပြောင်းပေးခြင်းဖြစ်ကြောင်းနှင့် မြန်မာနိုင်ငံအနေဖြင့် မူးယစ်ဆေးဝါး တားဆီးနှိမ်နင်းရေးလုပ်ငန်းများကိုအရှိန်အဟုန်မြှင့် ဆောင်ရွက်လျက်ရှိကြောင်း ထုတ်ပြန်ထားသည်။
