ဗင်နီဇွဲလား ကမ်းရိုးတန်းတွင် ရေနံတင်သင်္ဘောတစ်စင်းကို အမေရိကန်သိမ်းယူ
အမေရိကန် တပ်ဖွဲ့များသည်ဗင်နီဇွဲလား ကမ်းရိုးတန်းတွင် ရေနံတင်သင်္ဘောတစ်စင်းကို သိမ်းယူခဲ့ကြောင်း သမ္မတဒေါ်နယ်ထရန့်ကပြောကြားခဲ့ပြီး ယင်းမှာ ဗင်နီဇွဲလားအစိုးရအပေါ် အမေရိကန်၏ နောက်ဆုံးဖိအားပေးမှုတစ်ခုလည်း ဖြစ်သည်။
ဗင်နီဇွဲလားကမ်းရိုးတန်းတွင်ရေနံတင်သင်္ဘောတစ်စင်းကို သိမ်းယူခဲ့ရာ သိမ်းယူရမိသမျှတွင် အကြီးဆုံး ဖြစ်သည်ဟု ထရန့်က အိမ်ဖြူတော်တွင် သတင်းထောက်များအား ပြောကြားခဲ့သည်။
ယင်းသင်္ဘောသည် ဗင်နီဇွဲလားနှင့် အီရန်မှ ပိတ်ဆို့အရေးယူထားသော ရေနံများကိုသယ်ယူ ပို့ဆောင်ရန် အသုံးပြုသည့်ရေနံစိမ်းတင်သင်္ဘော ဖြစ်သည်ဟုရှေ့နေချုပ် ပမ်ဘွန်ဒီက ပြောသည်။
ဗင်နီဇွဲလားအစိုးရကမူ ယင်းလုပ်ရပ်ကို နိုင်ငံတကာ ပင်လယ်ဓားပြလုပ်ရပ်ဟု ရှုတ်ချပြောဆိုသည်။
အစောပိုင်းတွင် သမ္မတမာဒူရိုကဗင်နီဇွဲလားသည် ရေနံကိုလိုနီဘယ်တော့မှ ဖြစ်လာမည်မဟုတ်ဟု
ထုတ်ဖော်ပြောဆိုခဲ့သည်။
ဗင်နီဇွဲလားသည် မူးယစ်ဆေးဝါးများကို အမေရိကန်သို့ပို့ဆောင်နေသည်ဟု ထရန့်အစိုးရကစွပ်စွဲထားပြီး မကြာသေးမီလများအတွင်း သမ္မတမာဒူရိုကို ဖိအားပေးရန် အမေရိကန်အစိုးရက ကြိုးပမ်းမှုများကို တိုးမြှင့်ခဲ့သည်။
ကမ္ဘာ့အကြီးဆုံး ရေနံသိုက်အချို့ရှိရာ ဗင်နီဇွဲလားကမူ အမေရိကန်သည် ၎င်း၏စွမ်းအင်သယံဇာတကို ခိုးယူရန် ကြိုးပမ်းနေသည်ဟု စွပ်စွဲခဲ့သည်။
အမေရိကန်က ရေနံတင်သင်္ဘောကို သိမ်းယူပြီးနောက်ရေတိုဈေးကွက် ဖြည့်ဆည်းပေးနိုင်မှုဆိုင်ရာ စိုးရိမ်ပူပန်မှုများကြောင့်ဒီဇင်ဘာ ၁၀ ရက်တွင် ရေနံဈေးများမြင့်တက်ခဲ့သည်။
