အမေရိကန် ဗုံးကြဲလေယာဉ်များနှင့် ဂျပန်တိုက်လေယာဉ်များ အင်အားပြ ပျံသန်း
အမေရိကန်လေတပ်မှ နျူကလီးယားလက်နက်များ သယ်ဆောင် စစ်ကစားနိုင်သော မဟာဗျူဟာ ဗုံးကြဲလေယာဉ်များသည် ဂျပန်တိုက်လေယာဉ်များနှင့်အတူ ဒီဇင်ဘာ ၁၀ ရက်တွင် ဂျပန်ပင်လယ်ဝေဟင်၌ ကင်းလှည့် ပျံသန်းခဲ့ကြောင်း ဂျပန်ကာကွယ်ရေးဝန်ကြီးဌာနက သတင်းထုတ်ပြန်ထားသည်။
ဂျပန်နိုင်ငံနှင့် တောင်ကိုရီးယားနိုင်ငံဝန်းကျင်ဝေဟင်ဒေသများ၌ တရုတ်နှင့် ရုရှားစစ်လေယာဉ်များ ပူးတွဲစစ်ရေးလေ့ကျင့်မှုများပြုလုပ်ခဲ့ပြီးနောက်အမေရိကန် မဟာဗျူဟာ ဗုံးကြဲလေယာဉ်များက
ဂျပန်တိုက်လေယာဉ်များနှင့်အတူ ဂျပန်ပင်လယ်ဝေဟင်၌ အင်အားပြ ပျံသန်းခဲ့ကြခြင်းဖြစ်သည်။
ဒီဇင်ဘာ ၁၀ ရက် အင်အားပြ ပျံသန်းမှုတွင်အမေရိကန်လေတပ်မှ ဘီ-၅၂ မဟာဗျူဟာ ဗုံးကြဲ
လေယာဉ်နှစ်စင်း၊ ဂျပန်လေတပ်မှ အက်ဖ်-၃၅ တိုက်လေယာဉ်သုံးစင်းနှင့် အက်ဖ်-၁၅တိုက်လေယာဉ် သုံးစင်းတို့ ပါဝင်ခဲ့ကြောင်း ဂျပန်ကာကွယ်ရေးဝန်ကြီးဌာနအဆိုအရသိရသည်။
ပြီးခဲ့သည့် ရက်များအတွင်း တရုတ်လေတပ်နှင့် ရုရှားလေတပ်တို့မှ မဟာဗျူဟာဗုံးကြဲလေယာဉ်
များသည် အရှေ့တရုတ်ပင်လယ်ဒေသနှင့်အနောက်ပစိဖိတ်ဒေသတို့၌ ပူးတွဲကင်းလှည့်မှုများပြုလုပ်ခဲ့သည်။
ယင်းအပြင် ဂျပန်နိုင်ငံအနီး နိုင်ငံတကာရေပြင်ထဲတွင်လည်း တရုတ်ရေတပ်မှ လျောင်းနင်း
လေယာဉ်တင်သင်္ဘောကလည်း စစ်ရေးလေ့ကျင့်မှုများပြုလုပ်ခဲ့သည်။
