ဒေါ်နယ်ထရန့်ထံ ယနေ့ည ဖုန်းဆက်မည်ဟု ထိုင်းဝန်ကြီးချုပ်ပြော
ကမ္ဘောဒီးယားနှင့် ထိုင်းနိုင်ငံကြား နယ်စပ်တိုက်ခိုက်မှုများ ငါးရက်မြောက် ဆက်လက်ဖြစ်ပေါ်နေစဉ် ယနေ့ညတွင် ဒေါ်နယ်ထရန့်ထံ ဖုန်းဆက်စကားပြောသွားမည် ဖြစ် ကြောင်း ထိုင်းယာယီအစိုးရ ဝန်ကြီးချုပ် အနုတင်ချန်ဗီရာကူးလ်က ပြောကြားသည်။
ဒေါ်နယ်ထရန့်ထံ ဖုန်းခေါ်ဆိုမှုသည် ထိုင်းစံတော်ချိန် ည ၉ နာရီ ၂၀ မိနစ်ခန့်တွင် ဖြစ်နိုင်သည်ဟု အနုတင်က သတင်း ထောက်များအား ပြောကြားသည်။
အရှေ့တောင်အာရှအိမ်နီးချင်း နှစ်နိုင်ငံကြား တိုက်ခိုက်မှုများ ရပ်တန့်ရန်နှင့် ယခုနှစ် အစောပိုင်းက ၎င်းကူညီ ရယူပေးခဲ့သော အပစ်အခတ် ရပ်စဲမှုကို ဆက်ထိန်းပေးသွားရန် ဒေါ်နယ်ထရန့်က စိတ်အားထက်သန်နေကာ တိုက် ခိုက်မှုများ ရပ်တန့်သွားစေရန် နှစ်ဖက်ခေါ င်းဆောင်များထံ ဖုန်းခေါ်ဆိုသွားမည်ဟု သုံးရက် ဆက် တိုက် ပြောကြား နေသည်။
ယမန်နေ့ညက ပြုလုပ်ခဲ့သည့် လွှတ်တော် ဧည့်ခံပွဲတွင်လည်း တစ်ကမ္ဘာလုံးတွင် ငြိမ်းချမ်းရေးရအောင် လုပ်နိုင်သူ အဖြစ် ၎င်း၏အရည်အချင်း ကို ထရန့်က ဂုဏ်ယူပြောဆိုခဲ့ကာ ထိုင်း - ကမ္ဘောဒီးယား အပစ်ရပ်ရေးကို ပြန်လုပ်နိုင်မည်ဟုလည်း ပြောသည်။
“ ကျွန်တော်တို့က စစ်ပွဲရှစ်ပွဲကို ဖြေရှင်းခဲ့ပါတယ်။ စဉ်းစားကြည့်ပါ။ စစ်ပွဲရှစ်ပွဲကို ဖြေရှင်းနိုင်ခဲ့ပါတယ်။ ထိုင်းနဲ့ ကမ္ဘောဒီး ယားအရေးမှာလည်း ထိုင်းနဲ့ ကမ္ဘောဒီးယားကို ဖုန်းလေး နှစ်ကြိမ် သုံးကြိမ်လောက်ဆက်ပြီး အဲဒါကို လည်း လမ်းကြောင်းမှန်ပေါ် ပြန်ရောက်အောင် လုပ်ဆောင်သွားပါမယ်” ဟု ၎င်းကဆိုသည်။
ထိုင်းနှင့် ကမ္ဘောဒီးယားစစ်ဘက်သည် မိုင်ပေါင်း ၅၀၀ ကျော် ရှည်လျားသော ၎င်းတို့နယ်စပ်တစ်လျှောက် နေရာ အများအပြားတွင် ဇူလိုင်လက ဖြစ်ခဲ့သည့် ငါးရက်ကြာ တိုက်ခိုက်မှုများ နောက်ပိုင်း အပြင်းထန်ဆုံး ပြန်လည် တိုက်ခိုက်နေကြသည်။
ဒေါ်နယ်ထရန့် က နှစ်နိုင်ငံ ခေါင်းဆောင်များထံ ဖုန်းပြောခဲ့ပြီးနောက် ဇူလိုင် တိုက်ခိုက်မှုများ အဆုံးသတ်သွားခဲ့သည်။
ယခု အသစ်ဖြစ်ပေါ်လာသော လက်နက်ကြီးများ ဒုံးကျည် အသေးစားများဖြင့် အပြန်အလှန် ပစ်ခတ်တိုက်ခိုက်မှုများကြောင့် အနည်းဆုံး လူ ၂၀ ဦးသေဆုံးခဲ့ကာ ၂၀၀ ကျော် ဒဏ်ရာရရှိခဲ့ပြီး လူထောင်ပေါင်းများစွာ အိုးအိမ်စွန့်ခွာ ထွက်ပြေးနေကြရသည်။
