နိုင်ငံခြားရေး ပြည်ထောင်စုဝန်ကြီးနှင့် ဆော်ဒီအာရေဗျ သံအမတ်ကြီးတို့တွေ့ဆုံ
နှစ်နိုင်ငံပူးပေါင်းဆောင်ရွက်မှုမြှင့်တင်ရေး ဆွေးနွေး
နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေသည် တာဝန်ပြီးဆုံး၍ မြန်မာနိုင်ငံမှ ပြန်လည်ထွက်ခွာတော့မည် ဆော်ဒီအာရေဗျ သံအမတ်ကြီး မစ္စတာ ဆာအု(ဒ်)လင် အဗ္ဗဒူလာ အယ်လ်စုဘိုင်ကို ယမန်နေ့ ဒီဇင်ဘာ(၁၁)ရက်နေ့က နေပြည်တော်၌ တွေ့ဆုံခဲ့ကြောင်း သိရသည်။
ယင်းသို့တွေဆုံစဉ် မြန်မာနိုင်ငံနှင့် ဆော်ဒီအာရေဗျ နိုင်ငံကြား ရှိရင်းစွဲချစ်ကြည်ရင်းနှီးသော ဆက်ဆံရေး အပေါ်သုံးသပ်ခဲ့ပြီး နှစ်နိုင်ငံပူးပေါင်းဆောင်ရွက်မှုတိုးမြှင့်ရေး ကိစ္စရပ်များဆွေးနွေးခဲ့ကြောင်း သိရသည်။
ထို့ပြင် နှစ်နိုင်ငံကြား စီးပွားရေးနှင့် ရင်းနှီးမြှုပ်နှံမှုဆိုင်ရာ ပူးပေါင်းဆောင်ရွက်နိုင်မည် ကဏ္ဍာများနှင့် အခွင့်အလမ်းများကို ဆွေးနွေးခဲ့ကြောင်း သိရသည်။
ကြိုက်တယ်။
မှတ်ချက်
မျှဝေပါ။
