လာမယ့်အပတ်တွင် နောက်ဆုံးပွဲကစားပြီး FC Seoul မှ ထွက်ခွာလာတော့မယ့် ဂျက်စီလင်ဂတ်
==================
ယူနိုက်တက်စတားဟောင်းဂျက်စီလင်ဂတ်ဟာ လာမယ့်အပတ်တွင် နောက်ဆုံးပွဲ ကစားပြီးပါက FC Seoul မှ ထွက်ခွာရန် သဘောတူညီမှု ရရှိလာပါတယ်။
အသက် ၃၂ နှစ်ရှိ လင်ဂတ်ဟာ ပြီးခဲ့တဲ့နှစ် ဖေဖော်ဝါရီလတုန်းက တောင်ကိုရီးယားကလပ်သို့ ပြောင်းခဲ့တာ ဖြစ်ပြီး ကေလိဂ်သမိုင်းတွင် အကြီးမားဆုံးခေါ်ယူမှုအဖြစ် သတ်မှတ်ခြင်းခံခဲ့ရပါတယ်။
ဒါပေမယ့် သူဟာ ကလပ်နှင့် အပြုသဘောဆောင်တဲ့ ဆွေးနွေးမှု ပြုလုပ်ပြီးနောက် စာချုပ်သက်တမ်းမကုန်ဆုံးမီ လအနည်းငယ်အလိုမှာဘဲ နှစ်ဦးသဘောတူလမ်းခွဲရန် ဆုံးဖြတ်လာကြပါတယ်။
လင်ဂတ်က " FC Seoul နဲ့ အပြုသဘောဆောင်တဲ့ ဆွေးနွေးမှု ပြုလုပ်ပြီးတဲ့နောက် ၂၀၂၅ ခုနှစ် ရာသီအကုန် ဒီဇင်ဘာလ ၁၀ ရက်နေ့မှာ နောက်ဆုံးပွဲ ကစားပြီးတဲ့နောက် နှစ်ဦးသဘောတူလမ်းခွဲဖို့ သဘောတူညီမှုရခဲ့ပါတယ်။ လွယ်ကူတဲ့ ဆုံးဖြတ်ချက်မဟုတ်ပါဘူး။ တောင်ကိုရီးယားမှာ ရှိနေတဲ့ကာလက မယံ့ကြည်နိုင်စရာပါ။ ဘောလုံး၊ ပရိသတ်အားပေးမှု၊ ချစ်ခင်မြတ်နိုးမှုက ဒီကလပ်မှာ ထိပ်တန်းအဆင့်ရှိပါတယ်။ ပြီးခဲ့တဲ့ နှစ်နှစ်အတွင်း ကျွန်တော့်အပေါ် ပြသခဲ့တဲ့ ချစ်ခြင်းမေတ္တာ၊ အားပေးမှုက တကယ့်ကို အံ့ဩစရာကောင်းလွန်းလှပါတယ်။ ဒီမှာ ဘောလုံးကစားရတာ မမေ့နိုင်စရာ အတွေ့အကြုံပါ။ ကျွန်တော် အမြဲတမ်းတန်ဖိုးထားနေမယ့်အရာပါ။ ကျွန်တော် စရောက်တဲ့နေ့ကတည်းက ကြိုဆိုခဲ့တဲ့အပြင် ယုံကြည်ပေးခဲ့တဲ့ FC Seoul ၊ ကစားဖော်တွေ၊ ဝန်ထမ်းတွေ၊ ကလပ်မှာ ရှိတဲ့လူတိုင်းကို ကျေးဇူးတင်ကြောင်း ပြောလိုပါတယ်။ ဒီကြီးကျယ်တဲ့ ကလပ်မှာ ကစားခွင့်ရခဲ့မှုအတွက် အမြဲဂုဏ်ယူနေမှာပါ"လို့ ဆိုသွားပါတယ်။
လင်ဂတ်ဟာ FC Seoul အတွက် ၆၆ ပွဲကစားခဲ့ရာတွင် ၁၈ ဂိုးသွင်းပြီး ၁၀ ကြိမ် ဖန်တီးမှု ပြုလုပ်ပေးနိုင်ခဲ့ပါတယ်။
ယခုအခါ သူဟာ အလွတ်ပြောင်းရွှေ့ကြေးဖြင့် အခြားကလပ်တစ်ခုသို့ ပြောင်းရန် ရှာဖွေလာရတော့မှာလည်း ဖြစ်ပါတယ်။
သူဟာ နော်တင်ဟမ်ဖောရက်စ်တွင် တစ်ရာသီကစားစဉ်အတွင်း ပွဲ ၂၀ အထိသာ အကန့်အသတ်ဖြင့် ကစားခဲ့ရပြီးနောက် ထွက်ခွာခဲ့သူလည်း ဖြစ်ပါတယ်။
သူဟာ ယူနိုက်တက်တွင် ၂၂ နှစ်ကြာ ကစားစဉ်အတွင်း ၂၃၂ ပွဲကစားခဲ့ကာ အက်ဖ်အေဖလား၊ ယူရိုပါလိဂ်ဖလားနှင့် လိဂ်ဖလားတို့ ဆွတ်ခူးနိုင်ခဲ့ပါတယ်။
