ဖောက်ပြန်တဲ့ ယူနိုက်တက်နှင့် ဘိုင်ယန်စတားဟောင်းနှင့် ကွာရှင်းပြတ်စဲဖို့ လျှောက်ထားလာတဲ့ ကမ္ဘာ့ဆွဲဆောင်မှုအရှိဆုံးတင်းနစ်မယ်
========================
အန်နာအိုင်ဗန်နိုဗစ်ဟာ ဖောက်ပြန်မှု ပြုလုပ်တဲ့ ဘာစတီယန်ရှဝိန်းစတိုင်ဂါနှင့် ကွာရှင်းပြတ်စဲရန် လျှောက်ထားလာပြီ ဖြစ်ပါတယ်။
ယူနိုက်တက်စတားဟောင်းနှင့် အိုင်ဗန်နိုဗစ်ဟာ ယခုနှစ် အစောပိုင်းကတည်းက အတူမနေကြတော့တာ ဖြစ်ပါတယ်။
၎င်းတို့စုံတွဲဟာ ၂၀၁၄ ခုနှစ်တွင် ပထမဆုံးအကြိမ် တွေ့ဆုံပြီး ချစ်ကြိုက်ပြီးနောက် လက်ထပ်ထားတာ ၉ နှစ်တိုင် ရှိပြီလည်း ဖြစ်ပါတယ်။
၎င်းတို့ဟာ ၂၀၁၆ ခုနှစ်တွင် ဗင်းနစ်တွင် ကြီးကျယ်ခမ်းနားစွာ လက်ထပ်ခဲ့ကြပါတယ်။
ယနေ့တွင် ဂျာမန်သတင်းစာ Bild က အသက် ၃၈ နှစ်ရှိ အိုင်ဗန်နိုဗစ်မှာ နိုဝင်ဘာလတုန်းက ကွာရှင်းပြတ်စဲရန် မြူးနစ်ခရိုင်တရားရုံးကို လျှောက်ထားလာကြောင်း ဖော်ပြလာပါတယ်။
ဒါ့အပြင် တင်းနစ်စတားဟောင်းဟာ စပိန်နိုင်ငံ၊ ပယ်မာဒီမာယော့ကာတွင်လည်း သားသမီးများကို ပြုစုပျိုးထောင်ခွင့်လျှောက်ထားတယ်လို့ ယုံကြည်ရပါတယ်။
သူမဟာ သားများဖြစ်ကြတဲ့ လူကာ၊ လီယွန်၊ တီယိုတို့နှင့်အတူ စပိန်တွင် နေထိုင်နေတာပါ။
အိုင်ဗန်နိုဗစ်ရဲ့ ကိုယ်စားလှယ် ခရစ္စတီယန်ရှာ့ဇ်က ၎င်းတို့ ဇနီးမောင်နှံမှာ ဇူလိုင်လကတည်းက ညှိနှိုင်းမရတဲ့ ကွဲပြားမှုများကြောင့် အတူမနေကြတော့ကြောင်း ဆိုထားပါတယ်။
ဒါ့အပြင် ဇွန်လတုန်းက ဂျာမန်မီဒီယာများက ရှဝိုင်းစတိုင်ဂါကို အခြားချစ်သူသစ်တစ်ဦးအား နမ်းလျက်တွေ့ရကြောင်း ဖော်ပြခဲ့ကြပါတယ်။
ရှဝိန်းစတိုင်ဂါနှင့် ချစ်သူတို့ရဲ့ သားတို့ဟာ တစ်ကျောင်းတည်း အတူတူတက်နေကြတာ ဖြစ်ပြီး ရင်းနှီးလာခဲတာာ ကြာမြင့်ပြီ ဖြစ်ကြောင်း သိရပါတယ်။
ဂျာမန်မီဒီယာများက ယင်းအမျိုးသမီးအမည်ကို ဆေးလ်ဗားလို့ ဖော်ပြခဲ့ကြပြီး ဘူလ်ဂေးရီးယားသူလို့ ယူဆရပါတယ်။
ဒါ့အပြင် Bild က ရှဝိန်းစတိုင်ဂါနှင့် ယင်းအမျိုးသမီးတို့ဟာ ၂၀၂၄ ခုနှစ် နွေရာသီကတည်းက ဖောက်ပြန်နေကြတယ်လို့လည်း ဖော်ပြခဲ့ပါသေးတယ်။
တဖက်တွင် အိုင်ဗန်နိုဗစ်ဟာ ခင်ပွန်းသည်ရဲ့အမှားကို ခွင့်လွှတ်ခဲပေမယ့် ရှဝိန်းစတိုင်ဂါက လွတ်လပ်စွာ နေထိုင်ချင်တယ်ဆိုပြီး ဇနီးသည်နှင့်အတူမနေတော့ပါဘူး။
အသက် ၄၁ နှစ်ရှိ ရှဝိန်းစတိုင်ဂါဟာ ဘိုင်ယန်မြူးနစ်၊ ယူနိုက်တက်၊ ချီကာဂိုဖိုင်းယားတို့တွင် ကစားခဲ့သူ ဖြစ်ပြီး ၂၀၁၉ ခုနှစ်တွင် ကစားသမားဘဝမှ အနားယူခဲ့ပါတယ်။
