လာဇီယိုကို အနိုင်ယူပြီး စီးရီးအေအမှတ်ပေးဇယားထိပ်ဆုံးသို့ အေစီမီလန် တက်လှမ်းလာ
=====================
အေစီမီလန်ဟာ ရာဖေးလ်လီယိုရဲ့ တစ်လုံးတည်းသော အနိုင်ဂိုးဖြင့် လာဇီယိုကို အနိုင်ယူပြီး စီးရီးအေအမှတ်ပေးဇယားထိပ်ဆုံးသို့ တက်လှမ်းလာပါတယ်။
ပေါ်တူဂီတိုက်စစ်သမားဟာ ဒုတိယပိုင်း ၆ မိနစ်တွင် ဖီကာယိုတိုမိုရီရဲ့ ဖြတ်တင်ဘောကနေ အနီးကပ် ပိတ်သွင်းခဲ့တာလည်း ဖြစ်ပါတယ်။
ပွဲပြီးခါနီးတွင် အလက်ဇီယိုရိုမက်ဂနိုလီရဲ့ ကန်ချက် ပါလိုဗစ်ရဲ့ လက်မောင်းကို ထိခဲ့ပေမယ့်လည်း VAR က စစ်ဆေးပြီးတဲ့နောက်မှာတော့ ပင်နယ်တီ မပေးခဲ့လို့ လာဇီယို ကစားသမားများ ပေါက်ကွဲခဲ့ရပါတယ်။
ယင်းဖြစ်စဉ်အတွင်း ပွဲကို ၅ မိနစ်ခန့် ရပ်ဆိုင်းခဲ့ရကာ အေစီမီလန်နည်းပြအလီဂရီ အနီကတ်ပြထုတ်ပယ်ခြင်းခံခဲ့ရပါတယ်။
ဒီနိုင်ပွဲကြောင့် အေစီမီလန်ဟာ ရိုးမားကို တစ်မှတ်ဖြတ်ပြီး စီးရီးအေအမှတ်ပေးဇယားထိပ်ဆုံးသို့ တက်လှမ်းလာပါတယ်။
ရိုးမားက ယနေ့ညတွင် လက်ရှိ ချန်ပီယံ နာပိုလီကို ဧည့်ခံကစားရပါမယ်။
