အချက်အလက်မပြည့်စုံသည့် နိုင်ငံကူးလက်မှတ် သက်တမ်းတိုးလျှောက်လွှာ ၉၀၀ကျော်ရှိနေဟု တိုကျိုရှိ မြန်မာသံရုံး ထုတ်ပြန်
အချက်အလက်မပြည့်စုံသည့် နိုင်ငံကူးလက်မှတ်သက်တမ်းတိုး လျှောက်လွှာ ၉၀၀ ခန့် ရှိနေကြောင်း နိုဝင်ဘာ ၂၆ရက်တွင်ဂျပန်နိုင်ငံတိုကျိုမြို့ရှိမြန်မာသံရုံးကထုတ်ပြန်ထားသည်။
အချက်အလက်မပြည့်စုံသည့် လျှောက်လွှာ ၉၀၀ခန့်အား ဆက်လက်ဆောင်ရွက်နိုင်ခြင်းမရှိဘဲ ကြန့်ကြာမှုဖြစ်ပေါ်နေရာ ကြန့်ကြာနေသည့် လျှောက်လွှာများအတွက်စီမံချက်ချဆောင်ရွက်သွားမည်ဖြစ်ကြောင်း သိရသည်။
ဒီဇင်ဘာ ၁ ရက်မှ ဒီဇင်ဘာ ၁၂ ရက်အထိ စီမံချက်ကာလအဖြစ် သတ်မှတ်ပြီး တာဝန်ရှိသူအသီးသီးကလျှောက်ထားသူများအား တိုက်ရိုက်ဆက်သွယ်ကာ လိုအပ်သည့် အချက်အလက်များအား ထပ်မံ တောင်းခံသွားမည်ဖြစ်ကြောင်း သိရသည်။
ထို့ပြင် သံရုံးသို့ လူကိုယ်တိုင် လာရောက်လျှောက်ထားပြီး လူကိုယ်တိုင် ပြန်လည်လာရောက်ထုတ်ယူမည့်သူ များအနက် စာရွက်စာတမ်း ပြီးပြည့်စုံသူများအား ၂၀၂၆ခုနှစ် ဇန်နဝါရီ ၂ ရက်မှစတင်ကာ အချိန်တို အတွင်း နိုင်ငံကူးလက်မှတ် သက်တမ်းတိုး ဆောင်ရွက်ပေးရန် စီမံချက်ချကာ စီစဉ်ဆောင်ရွက်ထားကြောင်း တိုကျိုမြို့ရှိ မြန်မာသံရုံးက ထုတ်ပြန်ထားသည်။
