တနင်္ဂနွေနေ့ညပွဲတွင် အာဆင်နယ်ကို အနိုင်ယူရန် ချဲလ်ဆီးတို့ အခွင့်အရေး လုံးဝ မရှိကြောင်း ပြသနေတဲ့ တုန်လှုပ်စရာမှတ်တမ်း
======================
ယနေ့ ထွက်ပေါ်လာတဲ့ မှတ်တမ်းအချက်အလက်တွေအရ ချဲလ်ဆီးဟာ တနင်္ဂနွေနေ့ည အာဆင်နယ်နှင့် ပရီးမီးယားလိဂ်ပွဲစဉ်တွင် အနိုင်ရရှိရန် အခွင့်အရေးလုံးဝ မရှိကြောင်း တွေ့ရပါတယ်။
ချဲလ်ဆီးဟာ အမှတ်ပေးဇယားကို ဦးဆောင်နေတဲ့ အာဆင်နယ်ကို တနင်္ဂနွေနေ့မှာ အမ်းမရိတ်ကွင်းသို့ သွားရောက်ရင်ဆိုင်ရပါမယ်။ ချဲလ်ဆီးဟာ ၆ မှတ်ဖြတ်ထားတဲ့ အာဆင်နယ်ကို အနိုင်ရရှိလာပါက ၃ မှတ်လျှော့ချလာနိုင်ပါမယ်။
ဒါပေမယ့် ယနေ့ ထွက်ပေါ်လာတဲ့ မှတ်တမ်းအရ ချဲလ်ဆီးဟာ ပြီးခဲ့တဲ့ ၇ နှစ်အတွင်းတွင် အာဆင်နယ်ကို တစ်ကြိမ်တည်းသာ အနိုင်ယူထားနိုင်ကြောင်း တွေ့ရပါတယ်။ ချဲလ်ဆီးတို့ အာဆင်နယ်ကို အနိုင်ရခဲ့တာကလည်း အိမ်ကွင်း စတမ်းဖို့ဒ်ဘရစ်ချ်မှာ ဖြစ်နေပါတယ်။
မီခေးလ်အာတီတာရဲ့ အာဆင်နယ်ဟာ ချဲလ်ဆီးနှင့် နောက်ဆုံး ၁၆ ကြိမ် ရင်ဆိုင်တွေ့ရာမှာ ၁၄ ကြိမ်အထိ အနိုင်ရပြီး ၂ ကြိမ် သရေကျထားကာ ရှုံးပွဲမရှိပါဘူး။ တဖက်တွင် ချဲလ်ဆီးဟာ အာဆင်နယ်နှင့် နောက်ဆုံး ပရီးမီးယားလိဂ် ၁၁ ကြိမ် ရင်ဆိုင်ထားရာမှာ ၁ ကြိမ်တည်းသာ အနိုင်ရထားပါတယ်။
ဒါ့အပြင် အာဆင်နယ်ဟာ ၂၀၂၂-၂၃ ရာသီမှ စတင်ကာ လန်ဒန်ဒါဘီပွဲစဉ်များတွင် အံ့ဩစရာကောင်းတဲ့ မှတ်တမ်းများ ရယူထားနိုင်ပါတယ်။ အာဆင်နယ်ဟာ ယင်းကာလအတွင်းတွင် လန်ဒန်ဒါဘီပွဲ ၃ ပွဲတည်းသာ ရှုံးနိမ့်ထားပြီး အဝေးကွင်းမှာလည်း ၁ ပွဲတည်းသာ ရှုံးနိမ့်ထားပါတယ်။ လွန်ခဲ့တဲ့ နှစ်နှစ်တုန်းက ဖူလ်ဟမ်ကို ရှုံးနိမ့်ထားတာပါ။
တဆက်တည်းတွင် အာဆင်နယ်ဟာ ယခုရာသီ လန်ဒန်ဒါဘီပွဲ ၄ ပွဲကစားထားပြီးအချိန်တွင် ပြီးခဲ့တဲ့အပတ်တုန်းက စပါးစ်ကို အနိုင်ရမှုအပါအဝင် ၄ ပွဲလုံး အနိုင်ရထားပါတယ်။
အာဆင်နယ်ဟာ ချဲလ်ဆီးကို အမှတ်ပေးဇယားအထက်တွင် ရပ်တည်ပြီး ၅ ကြိမ်မြောက် ရင်ဆိုင်လာရတဲ့ပွဲလည်း ဖြစ်ပါတယ်။ အာဆင်နယ်ဟာ ယခင် ၄ ကြိမ် ၂၀၀၃၊ ၂၀၀၄၊ ၂၀၀၇ နှင့် ၂၀၂၄ တို့တုန်းက ရင်ဆိုင်ခဲ့ရာမှာလည်း ၄ ကြိမ်လုံး အနိုင်ရခဲ့ပါတယ်။ နောက်ဆုံးအကြိမ် ၂၀၂၄ ခုနှစ် ဧပြီလပွဲစဉ်တုန်းက စတမ်းဖို့ဒ်ဘရစ်ချ်ကွင်းမှာ ၅-၀ ဂိုးဖြင့် ပြတ်သားစွာ အနိုင်ယူခဲ့ပါတယ်။
တဖက်တွင် ချဲလ်ဆီးဟာ အာဆင်နယ်ကို စတမ်းဖို့ဒ်ဘရစ်ချ်မှာ ငယ်နိုင် ဖြစ်ခဲ့ဖူးတာလည်း တွေ့ရပါတယ်။ ၎င်းတို့ဟာ ၂၀၁၃ ခုနှစ်မှ ၂၀၁၈ ခုနှစ်အတွင်း အာဆင်နယ်ကို စတမ်းဖို့ဒ်ဘရစ်ချ်မှာ ၇ ကြိမ်တွေ့ရာမှာ ၆ ကြိမ်အနိုင်ယူခဲ့ပါတယ်။ ဒါပေမယ့် နောက်ဆုံးအကြိမ် ချဲလ်ဆီးတို့ အနိုင်ရခဲ့တာ ၂၀၁၈ ခုနှစ်တုန်းက ဖြစ်ပါတယ်။
ယင်းနောက်ပိုင်းမှာတော့ အာဆင်နယ်ဟာ စတမ်းဖို့ဒ်ဘရစ်ချ်ကွင်းမှာ ချဲလ်ဆီးနှင့် ပရီးမီးယားလိဂ် ၆ ပွဲဆက် ရှုံးပွဲမရှိ မှတ်တမ်း ရယူထားနိုင်ပါတယ်။ ၃ ပွဲနိုင်၊ ၃ ပွဲသရေကျရလဒ် ရယူထားတာပါ။
ဒီတော့ တနင်္ဂနွေနေ့ည ပွဲစဉ်က ပရီးမီးယားလိဂ်ဖလားအတွက် စိန်ခေါ်ဖို့ ကြိုးစားနေတဲ့ ချဲလ်ဆီးအတွက် ကျိန်စာသင့်ပွဲတစ်ပွဲ ဖြစ်လာနိုင်ပါတယ်။
အာတီတာဟာ ၂၀၁၉ ခုနှစ် ဒီဇင်ဘာလတုန်းက အာဆင်နယ်နည်းပြအဖြစ် ပထမဆုံးအကြိမ် စတမ်းဖို့ဒ်ဘရစ်ချ်သို့ သွားရောက်ရင်ဆိုင်ရတဲ့ပွဲတုန်းက ချဲလ်ဆီးကို ရှုံးနိမ့်ထားပါတယ်။ အာတီတာဟာ အာဆင်နယ်နည်းပြရာထူး လက်ခံအပြီး ရက်အနည်းငယ်အကြာမှာ ပထမဆုံးပွဲအဖြစ် ချဲလ်ဆီးကို ရင်ဆိုင်ခဲ့ရတာပါ။
ယင်းနောက်ပိုင်းမှာတော့ အာတီတာဟာ ချဲလ်ဆီးနှင့် ၁၁ ကြိမ် ရင်ဆိုင်ခဲ့ရာမှာ ၇ ပွဲအထိ အနိုင်ရထားပြီး အနိုင်ရာခိုင်နှုန်း ၅၈.၃ ရာခိုင်နှုန်းအထိ ရရှိထားကာ ဂွါဒီယိုလာ၊ ကန်နီဒဲလ်ကလစ်ရှ်တို့ပြီးရင် ချဲလ်ဆီးနှင့် ရင်ဆိုင်ရာတွင် အနိုင်ရာခိုင်နှုန်းတတိယအများဆုံးရယူထားတဲ့နည်းပြအဖြစ် ရပ်တည်နေပါယ်။
